经理不满仅获加薪$XX批侮辱 一举动吓窒全场同事｜Juicy叮

打工仔的最大心愿相信是升职加薪。不过，有打工仔则分享指，公司的全体员工一律获得加薪，但是对于加薪金额却感到不满，而经理则批评是侮辱性加薪，随后更做出一个举动吓窒全场同事。

该名打工仔日前向facebook专页「办公室日报」投稿，提到公司在去年年尾宣布加薪，并指往年加薪金额会因应员工表现而有所不同，「最废同埋成日请假嘅同事都有$250，我自己就加咗$500，有人加$1000」，不过今年却划一加薪50元。楼主指，同事对于金额均感到不满，而经理当时更大声地直言「其实公司咁样即系侮辱性加薪啫！」

楼主分享及网民回应：

打工仔指，员工一律获得加薪50元。示意网图

经理则批评是侮辱性加薪，随后更做出一个举动吓窒全场同事。示意网图

有人笑言，「储埋佢可以买楼」。FB截图

有人批评楼主公司的做法。FB截图

有人直言，「$50，食个lunch都唔够，齐头$500都无咁嬲」。FB截图

有人则猜测经理可能是得知内情才会如此生气。FB截图

楼主续指，经理又向负责派信的人事部阿姐表示，「如果唔加冇咁嬲喎，加$50蚊即系点呀？当我哋乞衣呀？」对方闻言后则回答，「我都系加$50咋」。楼主指，由于经理当时「系动真火兼目露凶光」，所以感觉到人事部阿姐亦感到怯慌，又指「「虽然佢平时唔可以称得上好恶，但系从未试过好似呢下咁样情绪爆发」，因此怀疑经理有生活压力。

相关新闻：

Juicy叮｜中年失业男每日扮返工 寄履历无回音「仲以为电话坏咗」：https://bit.ly/3H44UYE
Juicy叮｜中年女执公司弃置鞋样本被撞破 暖心老板一句话化解尴尬：https://bit.ly/3ZnLOnm
Juicy叮｜部门经理辞职后自愿减薪冀回巢 更向前老板提一自私要求：https://bit.ly/3CuHyZq
Juicy叮｜返工期间炒车需送院 上司一句话令打工仔嬲爆：https://bit.ly/3WWKHcM

楼主指，经理当时询问「系咪真系人人都加$50先，sales系咪都加$50蚊？」 而人事部阿姐碍于职业操守而未有回答，不过有营业部同事在闻言则回答「系呀，我哋条team都系个个$50，应该全公司都一样。」经理随后提出要亲自与老板商讨，但被告知老板当日不会回到办公室，随即表示「知道加$50难为情，搵人做丑人去派信，佢自己就避呀？」经理又指，「我唔使佢加$50畀我，公司咁唔掂吖嘛！我人工倒减$50，当我回馈畀公司，就睇下佢知唔知丑！」其后，经理向楼主借了50元，并放到老板办公室的桌上，又直言「我摆咗$50蚊喺老细枱面呀，畀X返佢，多谢夹盛惠呀！唔加冇咁嬲，你加$50蚊即系点呀？侮辱我呀？」楼主指，「office里面其他同事见到佢咁躁，大部分都唔敢讲嘢，当然都有人食花生，亦有个别几个嗌佢唔好咁冲动」，而人事部阿姐则不断向经理表示，「唔好咁嬲，唔好咁冲动先」。

楼主则指，身边有朋友未获加薪，更有人在两年前因应疫情而被迫减薪，随后一直未获加薪至原有的薪金，「所以我呢度加$50你可以话佢衰，但如果要比较的话，同出面compare又好似低处未算低」，但亦认同只加薪50元「有少少肉酸」，并指「就系唔畀好过畀罗，你侮辱人咩！」楼主续指，经理翌日在老板上班后随即走进其办公室进行商讨，「佢出返嚟嘅时候又系黑晒面冇讲嘢，而全部同事加$50嘅决定亦都冇变」。

相关帖文随即引起热议，有人批评楼主公司的做法，并指「个老细真系无脑，话公司唔好境今年都系无人工加，但每人一次过派封500蚊利是当鼓励好过啦」、「老细咁做摆明同全公司过唔去啦，通常想人哋自己辞职先会用呢招喎」、「$50，食个lunch都唔够，齐头$500都无咁嬲」、「50蚊真系侮辱。如果系我都一样会叫佢X返，唔使加畀我。然后搵工」、「真系唔加好过加，可能减人工都无咁嬲」等。

有人则笑言「储埋佢可以买楼」、「一年600元，可以食20个30蚊两送饭」、「有冇谢主隆恩呀」等。有人则猜测经理可能是得知内情才会如此生气，并指「如果阿ger 本身唔系咁燥底，而佢喺公司又算高级都咁嬲，我会谂佢系咪知公司盘数根本唔系咁差所以嬲」、「应该系个老细答应咗个manager啲嘢，而且公司嘅营业情况系好好」、「位阿ger当时咁大反应，佢应该知多啲嘢所以先咁㷫」等。

帖文来源：「办公室日报」

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ