Juicy叮｜丈夫一原因拒帶阿仔去旅行 港媽：「我真係接受唔到」

隨著各地放寬入境措施，不少人計劃帶同家人一同外遊。有港媽發文指，丈夫因為一個原因而不願帶同兒子一同旅行，她直斥對方自私，直言「我真係接受唔到」。

該名港媽日前在香港討論區以「老公話唔帶埋個仔去旅行」為題發文，提到看到各地放寬防疫措施加上兒子未曾搭飛機，因此計畫在2月中前往旅行。她指，丈夫希望到日本，而自己則希望到距離較近的台灣，沒想到隨後卻發現丈夫並未打算帶同兒子一同前往，「諗住叫奶奶或者我媽咪幫手湊幾日」。樓主直言，「我唔明點解唔帶埋阿仔去旅行，我哋一家3口都未試過一齊去旅行」，並引述丈夫回答指「老公話平時食飯已經要就個仔食咩，唔想去旅行咁開心都要諗埋個仔有咩啱食」。她直斥對方自私，並指「喺香港去食壽司阿仔一樣有熟食，佢都係自己開心食生嘢㗎啦」，反問「點解去旅行就唔可以搵啲大家都啱食嘅嘢呢？」她又直言，「因為食飯而唔想帶阿仔去旅行我真係接受唔到」。

請點擊組圖瀏覽：

港媽計劃帶同兒子一同旅行，但丈夫則反對。《愛回家之開心速遞》劇照

港媽發現丈夫並未打算帶同兒子一同旅行。《愛回家之開心速遞》劇照

樓主丈夫指，「平時食飯已經要就個仔食咩，唔想去旅行咁開心都要諗埋個仔有咩啱食」。《愛回家之開心速遞》劇照

有人支持樓主。網頁截圖

有人認為「你哋自己夾嘅啫，其實冇乜所謂」。網頁截圖

大部分網民則認同樓主丈夫的想法。網頁截圖

相關帖文隨即引起熱議，有人支持樓主，指「真係唔明點解唔帶埋阿仔去旅行呢？」。不過，大部分網民則認同樓主丈夫的想法，並指「個仔幾大先？我覺得K1前唔去旅行都係一件正常事。手抱嘅BB更加唔好去」、「太細真係幾麻煩下」、「我都覺得係，帶佢去只是滿足父母的親子感覺，個小朋友只知道大人帶佢四圍頻撲，其他的佢都未能懂得理解和享受，而且外出總會有或多或少的意外風險，沒必要自己找麻煩時，又令小朋友接受不必要的風險」、「老公都係你家人，遷就個仔就足360日，其餘5日遷就吓老公都話唔得?」、「自己去係開心嘅，小朋友大些先帶佢去都唔遲呀」等。

另有人則認為，「你哋自己夾嘅啫，其實冇乜所謂」、「可能想過吓2人世界呢」、「其實會唔會係你老公想同你2個去放鬆下拍下拖先?」、「如果大人攞個心出嚟，帶佢哋去下公園行下跑下，佢哋已經好開心」等。

帖文來源：香港討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ