有種好男人丨李佳芯細個玩槍戰狂俾男人射有陰影獲讚40歲Keep得好

2023-01-05 18:10

李佳芯（Ali）、陳自瑤（Yoyo）、胡諾言、趙希洛等到觀塘出席劇集《有種好男人》宣傳活動，眾演員分隊進行槍戰。Ali笑言對槍戰有陰影：「以前玩槍戰被子彈打到好痛呀，搞到好驚，啲男仔拎住支槍就上身，打中就死啦，仲係咁話你未死要繼續射，所以有少少陰影，玩槍戰睇到人性，今日呢種鐳射就適合我呢種小朋友玩。」講到劇中有胡諾言做閨密，Ali表示好羨慕：「我都好想有閨密，可以兩姊妹咁一齊玩、一齊瞓，我都有朋友和知己可以講心事，但未有到做乜都可以一齊，不過男仔就沒有了。」

提到男主角馬德鐘仍未能參與宣傳，Ali指聽聞對方在國內有工作，笑指主角可能要在最後才出現。對於被指在「炮灰檔期」開播但贏得22點收視，Ali表示收視沒有輸贏，「炮灰檔期這個講法我都是第一次聽，節日一家大細，睇得開心都是好安排。（觀眾指靠你撐起成套劇？）唔可以咁講，是全部人的功勞，我睇套劇都拍得好靚，懷疑是監製落了柯打，拍攝過程好似拍廣告，啲場景有反光紙圍住，證明幕後團隊都好努力。（仲讚你海棠春睡好靚、keep得好好！）海棠春睡？講到我拍鹹片咁，黐線㗎？我是盡力Keep得好，想貼近我真實年齡28歲，哈哈！其實狀態最重要是睇心態，工作生活可以平衡。」