有种好男人丨李佳芯细个玩枪战狂俾男人射有阴影获赞40岁Keep得好

2023-01-05 18:10

李佳芯（Ali）、陈自瑶（Yoyo）、胡诺言、赵希洛等到观塘出席剧集《有种好男人》宣传活动，众演员分队进行枪战。Ali笑言对枪战有阴影：「以前玩枪战被子弹打到好痛呀，搞到好惊，啲男仔拎住支枪就上身，打中就死啦，仲系咁话你未死要继续射，所以有少少阴影，玩枪战睇到人性，今日呢种镭射就适合我呢种小朋友玩。」讲到剧中有胡诺言做闺密，Ali表示好羡慕：「我都好想有闺密，可以两姊妹咁一齐玩、一齐瞓，我都有朋友和知己可以讲心事，但未有到做乜都可以一齐，不过男仔就没有了。」

提到男主角马德钟仍未能参与宣传，Ali指听闻对方在国内有工作，笑指主角可能要在最后才出现。对于被指在「炮灰档期」开播但赢得22点收视，Ali表示收视没有输赢，「炮灰档期这个讲法我都是第一次听，节日一家大细，睇得开心都是好安排。（观众指靠你撑起成套剧？）唔可以咁讲，是全部人的功劳，我睇套剧都拍得好靓，怀疑是监制落了柯打，拍摄过程好似拍广告，啲场景有反光纸围住，证明幕后团队都好努力。（仲赞你海棠春睡好靓、keep得好好！）海棠春睡？讲到我拍咸片咁，黐线㗎？我是尽力Keep得好，想贴近我真实年龄28岁，哈哈！其实状态最重要是睇心态，工作生活可以平衡。」