Juicy叮｜的哥分享熱血故事 輪椅小子自強不息網友淚目

facebook專頁「的士司機資訊網 Taxi」出現一個被網民勁讚為「100分」的超窩心帖文，的哥分享輪椅小子乘客自強不息的故事，加上一句「隻腳跛啫，隻手都仲郁到」的勵志感言，看得網友眼濕濕。

輪椅小子勵志感言「隻腳跛啫，隻手都仲郁到」勵志感言，看得網友眼濕濕。網圖

網民讚「呢個post 100分」。網上截圖

網民指輪椅小子有家教。網上截圖

網友直指這篇是正能量貼文。網上截圖

網友「睇到眼濕濕，好感動！」。網上截圖

現場情況及網民回應請點擊組圖瀏覽：

樓主發長文指「夜晚喺旺角落完客，一轉出去創興就見到呢個後生仔截車，我開咗度門，諗住幫佢搬架輪椅上車，點之佢話唔使，剩係幫佢搬個椅架喺尾箱就得，都未講完佢就趷下趷下跳咗上車先，跟住就自己拉近架輪椅，然後好快手咁拆咗兩個轆擺喺佢隻腳附近，之後好有禮貌咁叫我將個椅架擺喺車尾，上車後佢話要去西貢啲村屋」。

樓主續指「我心諗呢個後生仔都幾得，十幾歲仔坐住架輪椅，又唔使人陪，完全可以照顧到自己，都算係咁，上車後我問佢點解唔用電動輪椅，佢話佢呢款可以快拆，電動輪椅太大架又重，好難搵到車搭，夜媽媽未必預約到，而且佢仲講笑話隻腳跛啫，隻手都仲郁到」。

樓主坦言「聽完真係唔知心酸定好笑，突然dead air咗，真係俾唔到反應佢，去到彩雲，佢電話響，應該係佢老豆問佢幾點返，佢係咁答唔使去接佢，佢話自己搞得掂，就嚟到佢屋企個路口，已經有個男人企定定喺度，俾完錢後仲係咁唔該我，佢老豆好緊張個仔落車果下，扶到實一實，個仔就話得啦搞得掂，我覺得佢老豆都係個人才，夠膽俾個仔自己出去做佢嘅嘢，但係返到屋企時就係個仔嘅最強後盾，呢兩父子真係超窩心」。

網民大受感動睇到眼濕濕

網民大受感動，指「我睇到眼濕濕，好感動！」、「好窩心」、「正能量師兄」、「師傅，鐵漢柔情，好感動」、「感動中」、「有沙入眼」、「呢個post 100分」。

還有網友讚的哥文筆好，指「Seldom to see a good taxi driver with such good writing skill. You should teach in University for writing skill. New generation does not have the empathy you have.（很少見有這麼好文筆的的士司機。你應在大學教授寫作技巧。新一代沒有你的同理心。）」、「師傅真係比個Like你。因為你十分正能量，用你嘅愛心去接載 一個乘客。換轉好多司機，寫呢篇文章只會怨天怨地，又話嘥時間又要入村」。

網民接著將重點放回輪奇小子身上，指他「自強不息」、「值得尊敬」，故事中的「父子情深，不用講出口，感人」、「老豆以身作則，個細路又有家教」，還有人指小子「心態正確喎，唔係仲有幾十年人做，日日係度怨都解決唔到問題，不如正面面對仲好啦！」。

帖文來源：的士司機資訊網 Taxi

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ