Juicy叮｜不忿日本限制中港澳航班用4機場 港媽：去旅行係送錢畀佢哋

日本宣布，由周五（30日）起，來往內地、香港和澳門的航班，只可使用東京成田、羽田、大阪關西和名古屋中部機場。其後，大批計劃前往日本旅行的港人大受影響，並在網上大吐苦水。有港媽則批評日本「玩針對」，並直言「去旅行都係送錢畀佢哋，依家搞到送錢都好似乞求人哋要咁？」

日本一直深受港人歡迎，而不少人亦計劃在新年假期前後到當地旅行。自日本公布相關消息，不少計劃前往日本旅行並已購買機票的市民紛紛在網上大吐苦水。當中，有港媽在親子王國討論區以「未買保險，飛北海道，下個月」為題發文，詢問其他網民「依家買邊間好？」她又指，目前仍未收到航直公司的通知。

請點擊組圖瀏覽：

日本宣布，來往內地、香港和澳門的航班，只可使用4個機場。示意網圖

不少計劃前往日本旅行並已購買機票的市民大吐苦水。示意網圖

有港媽留言批評日本「玩針對」。網頁截圖

有人批評日本「咁大支嘢」。網頁截圖

有人直言「都唔明點解送錢仲要受氣」。網頁截圖

有網民就旅遊保險問題回覆指，「買機票就要買啦，我諗依家買無得賠，要想辦法轉機」、「習慣上一買完機票就買旅遊保險，對自己保障最大」、「其實買咗保險又點？航空公司取消航班，一定refund畀你，或者再好啲，佢可能幫你免費安排轉機。買咗保險都唔包你因被航空公司取消後你再買新機票錢，除非你已經在旅行中，回程取消了，你再買，就可能會賠返差價畀你」等。有人則分享指，「我買左1/2北海道機票，睇到呢段新聞超失落，仲剛淘咗雪靴、雪褲、手套……一大堆嘢」等。

相關新聞：

日本限香港航班飛4機場 運輸局對倉卒決定失望 促立即撤回：https://bit.ly/3vmR5Oo
Juicy叮｜日本限制中港澳航班僅用4機場 苦主大吐苦水呻「去個旅行都咁難」：https://bit.ly/3YLfjiC
日本入境｜12.30起港人只可經4機場赴日 多間航空取消北海道沖繩直航 旅客需轉機：https://bit.ly/3jzg4LJ

另有港媽留言批評，「日本真係精神分裂！早幾日日本首相先要求中國放寬防疫政策，依家放寬喇，佢又玩針對！成個國家都癲癲地！老實講，去旅行都係送錢畀佢哋，依家搞到送錢都好似乞求人哋要咁？好心就咪鬼理佢地小日本啦，唔信佢哋可以封一世中國！到時到中國再封佢哋關，小日本咪再呱呱叫呀！」、「係囉不如唔好批畀人入，咁大支嘢」、「我都係咁話，懶巴閉，又唔見佢敢對美國人。日本自己一日都十幾萬人中啦！都唔明點解送錢仲要受氣」、「將啲人堆埋幾個機場入境，又多人又等得耐搞到更容易中招，實大排長龍」等。

另有網民在同一討論區的其他相關帖文中留言指，「香港人所謂嘅鄉下都咁無情」、「今次真係玩嘢，我估連airlines 都不滿」、「但願唔好再有變掛，已經影響好多人」、「咁突然估唔到政策返轉頭，真係玩嘢」等。

帖文來源：親子王國

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ