Juicy叮｜外傭擅用主人房廁所沖涼 港媽憂變本加厲陷續約兩難

可以聘用一位工作表現好，又聽教聽話的外傭並不容易。有港媽在網上發文指，其外傭雖然擅於照顧小朋友，但未有問准卻擅自到主人房廁所洗澡，更愈來愈自作主張；而外傭即將續約，她因此陷入兩難。

該名港媽在facebook群組「外傭僱主必看新聞訊息」發文指，家中的外傭在未有詢問下，擅自到主人房廁所洗澡。她指，在丈夫詢問時，對方回答「上次都係咁」，但指對方口中的「上次」是她在他們出門時，自行鏟起客廁浴室的防水膠重喞，導致客廁浴室無法使用，因此才可使用主人房廁所洗澡。

請點擊組圖瀏覽：

港媽指，外傭擅自到主人房廁所洗澡。iStock圖片

她指，是次已是外傭第3次唧防水玻璃膠。示意網圖

有網民笑言「其實如果連玻璃膠都負責幫你重唧，你執到啦！」FB截圖

有人認為，「佢照顧得小朋友好，就已經非常加分了」。FB截圖

有人則認為樓主應解僱她。FB截圖

她又指，是次已是外傭第3次唧防水玻璃膠，並指在第一次時雙方仍有商有量，而外傭還會為使用主人房廁所感到不好意思，並打算到會所洗澡。至於第2次則是「自己決定咗幾時唧有同我哋講」，並會先詢問再使用主人房廁所洗澡。而今次則是「無聲無色自己無啦啦做咗，然後自己好自然地用埋主廁沖埋涼」。樓主指，「講佢又會黑面」，但對於對方愈來愈自作主張感到無奈，並詢問網民「大家覺得係我小氣定係佢越位呢？」

樓主續指，「問題係佢比一般姐姐醒好多」，除了平日工作會經常浪費食物、「亂煮份量食剩放入雪櫃」最終變成「陳年餸」之外，「做嘢快靚正，照顧小朋友一流」，並指「但我仔比佢照顧得好好」。她指，對方將要續約，「我擔心佢氣勢愈來愈強，愈來愈自把自為(仲會進化到多事我家事加插意見話我)」。她又補充指，「佢而家好大膽乜都駁嘴，次次黑面收場，佢仲成口覺得自己咁比心機照顧我仔，就好似大晒唔話得佢」。她續指，「每次講都要好小心語氣用辭」，「一講一係超黑面，一喺drama queen喊住咁話佢咁畀心機照顧我仔，乜乜乜乜，總之就我講都唔得咁」。

相關新聞：

Juicy叮｜驚見家傭坐爆廁所板 僱主帖文惹共鳴帶出種種辛酸：https://bit.ly/3WwUbLI
Juicy叮｜印傭製豐富生日晚餐獲封「廚神」 另一能力令網民求分享菜單：https://bit.ly/3G5TqTR
Juicy叮｜遇極品外傭惟因一原因無法解僱 孕婦呻「進入地獄」：https://bit.ly/3FKHh5o
Juicy叮｜生日前一舉動令家人反感 僱主家中聞死老鼠味再揭外傭一習慣：https://bit.ly/3G5eXfj

她提到目前有2個選擇，第一個是看在兒子份上續約，「但預咗佢一個約比一個約大膽」。第二選擇則是直接聘請另一名外傭，並指丈夫與奶奶「唔鍾意人越位，話無咗佢無話唔得」，但自己則擔心會請到表現更差的外傭，「又廢又越位咁我真係攞嚟」。

相關帖文隨即引起熱議，有網民笑言「我覺得呢位外傭多鬼餘，幫你做埋裝修佬D嘢，駛鬼幫你慳錢」、「其實如果連玻璃膠都負責幫你重唧，你執到啦！你老公都未必識呀！」等。有人則指，「會唔會錯重點，姐姐自願做維修工作係一件事，應該感恩有個多功能姐姐，但要用主人房洗手間係咪都應該講聲，而唔係自出自入，我入姐姐房都要敲門啦，基本禮貌吧，唔應該因為姐姐做咗洗手間維修而綑綁式去睇依件事」、「你絕對係小器的」、「比較想知點解要唧三次膠」等。

另外，有人認為樓主應與她續約，並指「我只要佢搞得掂個仔就已經OK了」、「個人認為佢真係有佢原因，傾講番就好。工人做得耐對屋企熟悉，有時少少事唔想麻煩僱主吧，喺佢個角度就覺得好明顯係唔用得個廁所， 先冇問到。畀我會先講番自己感受，然後想佢同我講聲就好。佢照顧得小朋友好，就已經非常加分了」等。有人則認為樓主應解僱她，並指「炒啦，根本就已經變成老sea food 啦，冇得教了」、「啲工人姐姐只會越續約越大膽 ，不斷挑戰你嘅底線 」、「唔理佢做的幾好，自把自為，黑面我就炒得啦，呢個都係我底線之一」等。

帖文來源：「外傭僱主必看新聞訊息」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ