Juicy叮｜男子邊free hug邊做一動作 港女質疑被性騷擾

Free Hug（免費擁抱）近年變得盛行。有港女在網上發文指，在聖誕節(25日)晚上在尖沙嘴海旁參與Free Hug。一名男子在擁抱時不但伸出舌頭，更做出一個動作，令她質疑自己被性騷擾，並直言「越諗越嬲」。

該名港女日前在Dcard討論區發文，提到在聖誕節晚上與另一名女性朋友到尖沙嘴海旁，當時看到不少人在場排隊並參與Free Hug，以及說聖誕快樂，「我哋見咁多人join又幾有氣氛，所以就一齊join埋」。她指，一名男子隨後上前輕輕擁抱她，而對方的朋友則為兩人拍照，原本亦認為沒有問題，「點知佢影相嗰陣除罩伸條脷出嚟左右fik（唔係郁兩下扮cute嗰啲pose，係不斷fik嚟fik去嗰隻）」。樓主指，「我嗰下呆咗畀唔到反應」，直到他與下一個人擁抱時才反應，並即時指罵對方，但指由於當時的環境嘈吵，相信對方未有聽到她的指罵。她指，回家後再回想起此事時感到後悔，「後悔我嗰陣點解冇再大聲啲鬧」，並指隨後再發現「佢淨係搵女仔影，miss晒啲男仔，然後我見到個男人個frd係錄影囉，佢同所有女仔都係伸脷fik脷」。

請點擊組圖瀏覽：

網民分享疑由該名涉事男子所上傳的短片。影片截圖

在尖沙嘴海旁有不少人排隊。影片截圖

一名男子未有戴上口罩，沿路逐一與女生輕輕擁抱。影片截圖

期間他一邊「伸脷」，一邊晃動自己的身體。影片截圖

相關帖文隨即引起熱議，網民的反應兩極。網頁截圖

有人指，「唔係好明，佢fik條脷邊度性騷擾到你」。網頁截圖

有人則支持樓主。網頁截圖

有人直斥「好噁心」。網頁截圖

帖文亦引起涉及Free Hug的討論。網頁截圖

相關帖文隨即引起熱議，網民的反應兩極。有人認為，「唔係好明，佢fik條脷邊度性騷擾到你」、「咁你下次咪唔好去free hug囉」、「笑死伸脷就係性騷擾」、「你自願抱嘅」、「玩得free hug 預咗啦，咁唔玩得不如喺屋企過節」等。

有人則支持樓主，並指「Ig已經見到條片，真係令人好不適。個男仔唔係伸脷fik條脷而係伸脷，前後chok自己下身」、「擺明抽水啦」、「同意free hug，唔代表同意對方做其他動作囉。唔好見到『性騷擾』幾個字，就話free hug得就預咗啦」、「哇，搞唔掂，真係嘔心」、「free hug話明就只係hug，唔包畀你做其他嘢喎，唔好講到肯畀人攬就要全身都可以任佢魚肉咁，同埋條片入面條友又伸脷又前後chok下身，擺明係性騷擾好冇？」、「起初都唔明點解frk俐係性騷擾，睇完段片明晒，真係好噁心」等。

有網民則分享疑由該名涉事男子所上傳的短片。從片中可見，在尖沙嘴海旁有不少人排隊。現場有一名男子未有戴上口罩，沿路逐一與女生輕輕擁抱，期間他一邊「伸脷」，一邊晃動自己的身體。

另外，帖文亦引起涉及Free Hug的討論，有人認為「其實覺得free hug好無聊」、「喺尖沙咀見到成堆人排超長一條隊，好似fans meeting 咁逐個hug+互加ig。佢哋係咪痴線？加陌生人ig有咩意義？」、「依家先講有咩用，做得free hug就預咗有變態佬要即場話佢啦」等。有人則認為，「Free hug 冇問題呀，男同女都可以做，但唔係有其他動作囉」、「其實free hug一開始用意唔係畀人鹹濕，而係希望可以為社會帶來溫暖。所以如果po主係以呢種心態參加，點解會被人曲解成『隨便』嘅女仔，會唔會係我哋對呢個活動有誤會，又或者強加自己嘅意圖喺人哋身上？」、「本身free hug嘅出發點係好嘅，但人性係黑暗醜惡」等。

免費擁抱運動(Free Hugs Campaign)，是指在主動上街擁抱陌生人的活動，原自澳洲人Juan Mann提出的「Free Hugs」，原意是通過擁抱向陌生人傳遞溫暖。

帖文來源：Dcard討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ