Juicy叮｜男子边free hug边做一动作 港女质疑被性骚扰

Free Hug（免费拥抱）近年变得盛行。有港女在网上发文指，在圣诞节(25日)晚上在尖沙嘴海旁参与Free Hug。一名男子在拥抱时不但伸出舌头，更做出一个动作，令她质疑自己被性骚扰，并直言「越谂越嬲」。

该名港女日前在Dcard讨论区发文，提到在圣诞节晚上与另一名女性朋友到尖沙嘴海旁，当时看到不少人在场排队并参与Free Hug，以及说圣诞快乐，「我哋见咁多人join又几有气氛，所以就一齐join埋」。她指，一名男子随后上前轻轻拥抱她，而对方的朋友则为两人拍照，原本亦认为没有问题，「点知佢影相嗰阵除罩伸条脷出嚟左右fik（唔系郁两下扮cute嗰啲pose，系不断fik嚟fik去嗰只）」。楼主指，「我嗰下呆咗畀唔到反应」，直到他与下一个人拥抱时才反应，并即时指骂对方，但指由于当时的环境嘈吵，相信对方未有听到她的指骂。她指，回家后再回想起此事时感到后悔，「后悔我嗰阵点解冇再大声啲闹」，并指随后再发现「佢净系搵女仔影，miss晒啲男仔，然后我见到个男人个frd系录影罗，佢同所有女仔都系伸脷fik脷」。

请点击组图浏览：

网民分享疑由该名涉事男子所上传的短片。影片截图

在尖沙嘴海旁有不少人排队。影片截图

一名男子未有戴上口罩，沿路逐一与女生轻轻拥抱。影片截图

期间他一边「伸脷」，一边晃动自己的身体。影片截图

相关帖文随即引起热议，网民的反应两极。网页截图

有人指，「唔系好明，佢fik条脷边度性骚扰到你」。网页截图

有人则支持楼主。网页截图

有人直斥「好恶心」。网页截图

帖文亦引起涉及Free Hug的讨论。网页截图

相关帖文随即引起热议，网民的反应两极。有人认为，「唔系好明，佢fik条脷边度性骚扰到你」、「咁你下次咪唔好去free hug罗」、「笑死伸脷就系性骚扰」、「你自愿抱嘅」、「玩得free hug 预咗啦，咁唔玩得不如喺屋企过节」等。

有人则支持楼主，并指「Ig已经见到条片，真系令人好不适。个男仔唔系伸脷fik条脷而系伸脷，前后chok自己下身」、「摆明抽水啦」、「同意free hug，唔代表同意对方做其他动作罗。唔好见到『性骚扰』几个字，就话free hug得就预咗啦」、「哇，搞唔掂，真系呕心」、「free hug话明就只系hug，唔包畀你做其他嘢喎，唔好讲到肯畀人揽就要全身都可以任佢鱼肉咁，同埋条片入面条友又伸脷又前后chok下身，摆明系性骚扰好冇？」、「起初都唔明点解frk俐系性骚扰，睇完段片明晒，真系好恶心」等。

有网民则分享疑由该名涉事男子所上传的短片。从片中可见，在尖沙嘴海旁有不少人排队。现场有一名男子未有戴上口罩，沿路逐一与女生轻轻拥抱，期间他一边「伸脷」，一边晃动自己的身体。

另外，帖文亦引起涉及Free Hug的讨论，有人认为「其实觉得free hug好无聊」、「喺尖沙咀见到成堆人排超长一条队，好似fans meeting 咁逐个hug+互加ig。佢哋系咪痴线？加陌生人ig有咩意义？」、「依家先讲有咩用，做得free hug就预咗有变态佬要即场话佢啦」等。有人则认为，「Free hug 冇问题呀，男同女都可以做，但唔系有其他动作罗」、「其实free hug一开始用意唔系畀人咸湿，而系希望可以为社会带来温暖。所以如果po主系以呢种心态参加，点解会被人曲解成『随便』嘅女仔，会唔会系我哋对呢个活动有误会，又或者强加自己嘅意图喺人哋身上？」、「本身free hug嘅出发点系好嘅，但人性系黑暗丑恶」等。

免费拥抱运动(Free Hugs Campaign)，是指在主动上街拥抱陌生人的活动，原自澳洲人Juan Mann提出的「Free Hugs」，原意是通过拥抱向陌生人传递温暖。

帖文来源：Dcard讨论区

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ