Juicy叮｜喜好似男仔聞香水想嘔 女學生：好後悔入咗女校

女生一定要喜歡購物化妝品？有女學生在網上發文指，自己的性格及喜好較像男生，不喜歡購物亦不懂得化妝，在校內亦無法結識志趣相投的朋友，大呻「我真係好後悔自己入咗間女校」。

該名女學生向Instagram專頁「名校Secrets」投稿，指自己正就讀一間有名氣的女校，以前以為自己屬於女校的一份子，「好驚男仔」，但現時的感覺卻完全不同。她指自己不喜歡購物、聞香水、試衫、睇首飾、睇靚仔或靚女，而且不懂得化妝，朋友亦認為她「好男仔」，加上「我成個ig都係C朗、美斯、尼馬、沙拿嘅射波片」。由於喜好與其他同學不同，因此令她在女校的生活感到辛苦，在校內亦無法結識志趣相投的朋友。

請點擊組圖瀏覽：

樓主指，自己不喜歡購物、聞香水、試衫等。資料圖片

她指，「我成個ig都係C朗、美斯、尼馬、沙拿嘅射波片」。路透社圖片

她大呻「我真係好後悔自己入咗間女校」。《女人俱樂部》劇照

有網民分享類似情況。IG截圖

有人指，「興趣無分男女」。IG截圖

有人建議樓主在網上識朋友。IG截圖

有人建議樓主參加聯校活動。IG截圖

她指，「我的確係有啲好好嘅朋友，但係同佢哋一齊嘅時候我真係搵唔到咩話題可以一齊傾。佢哋一唔係就睇K-Pop，一唔係就睇香水同埋首飾，一唔係就係喺度講化妝（或者講18禁嘢）」，但是自己對相關事物一竅不通，因此在不同的小圈子內亦無法「插嘴」。當樓主在談論動漫時，其他人對此亦一竅不通，「再加上好多人都話我係直女，呢種日子真係唔好過。」

相關新聞：

Juicy叮｜學生大呻學校旅行去「冇火龍果嘅火龍果園」 再批場地似廢墟惹議：https://bit.ly/3BNBQ4z
Juicy叮｜成績差朋友疑被阿媽歧視 中一生：「點樣說服勿以成績Judge人品」：https://bit.ly/3YCy9so
Juicy叮｜中一生缺席陸運會需自選懲罰 網民質疑一選項屬體罰：https://bit.ly/3G33rkG
 

樓主續指，由於有共同話題，加上男生的性格較直率，因此自己喜歡與男生相處，「但係喺一間女校，又何來識到好多男仔呢？」樓主又提到，偶爾與朋友逛街時，亦會希望自己「變返似個女仔咁，對啲化妝品同埋衫評頭品足」，「但每次一聞到香水味，我就忍唔住想嘔。見到啲短到嚇死人嘅衫嘅時候，我個心入邊只會擔心着嗰啲衫會唔會吹親個肚」。樓主大呻「我真係好後悔自己入咗間女校，但阿爸阿媽係唔會畀我轉去男女校」，因此發文詢問網民意見。

有網民建議「朋友唔一定要喺學校識嘅，可以試吓去參加啲聯校活動」、「網上識人」、「唔需要為他人改變自己 可以試下網上識frd」、「興趣無分男女，所以依家做咩鍾意咩其實都冇所謂。而且每個人嘅品味興趣同埋取向都唔同。讀女校融入唔到圈子可能辛苦啲但未來社會係有男有女，你可以再揀啱傾嘅人相處」。

有人則指，「其實喜好同埋識朋友呢啲嘢係好個人，所以真係唔洗擔心」、「可能遲吓大個就會中意呢，興趣呢家野成日變」等。有人則分享類似情況，並指「本人：1. 鍾意黑色、藍色，完全接受唔到粉紅色嘅存在；2. 揀衫（任何同女仔有關嘅嘢）媽咪處理；3. 死都唔著裙；4. 當個個都幻想自己係女主角，我幻想自己係男主角；5. 著公主裙=有公主病；我都係入咗女校，不過我情況比你好啲，起碼唔係個個都係咁」。

帖文來源：「名校Secrets」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ