ERROR開騷半隊MIRROR成員撐場竟被叫「收皮」古巨基現身搲撈變派撈

ERROR一連四場《明星生活 ERROR LIVE SHOW 2022》昨晚在九展舉行尾場，嘉賓小肥與保錡合唱完《猥瑣》後，肥仔（梁業）與阿Dee隨即上台，小肥指當時自己最捧有ERROR成員的B組，更表示不喜歡A組，搞到台下的MIRROR成員隨即企起身攤開手扮不滿，非常搞笑，之後保錡又指肥仔一直提到當年被淘汰的原因是因為小肥，故今晚請小肥來「覆桌」，肥仔更笑指若今次不能一雪前恥便會退出ERROR，不過保錡之後又指小肥對ERROR來說很重要，因為沒有被淘汰的話，便可能沒有ERROR，而MIRROR則會變成16人。唱《Am I crazy》時，肥仔表示歌詞很感觸，之後他更一度感觸落涙，193在唱完該曲後就錫了他一啖。當ERROR在台上大叫MIRROR成員「收皮」時，台下的MIRROR成員則送上心心回應。

【點擊睇《明星生活 ERROR LIVE SHOW 2022》精采演出】：

葛民輝

舒文

森美

傅家俊夫婦

谷德昭（右）亦有捧場。

鄧麗欣

MIRROR入場時更令全場歌迷尖叫。

ERROR一連四場《明星生活 ERROR LIVE SHOW 2022》昨晚在九展舉行尾場。

演唱會順利完成。

當ERROR在台上大叫MIRROR成員「收皮」時，台下的MIRROR成員則送上心心回應。

MIRROR成員全程在台下睇騷！

193在台上講感受時，突然有fans衝向台前送花，而193見狀即上前收花。

193拿出fans為他製造的第一張手幅「接近完美193」。

193說：「記得初出道，你哋每次大叫193，我唔覺係笑話，係童話。」講完後，193亦忍不住落淚。

肥仔喺台上演出精彩。

連場勁舞！

193在台上講感受時，突然有fans衝向台前送花，而193見狀即上前收花，不過他看到原來是銀紙花後，即說：「出嚟攞返，陰司紙我就要，銀紙唔要。」不過他亦嘲fans孤寒，只用了10元、20元紙幣來摺花。之後193拿出fans為他製造的第一張手幅「接近完美193」後開始哽咽，他說：「記得初出道，你哋每次大叫193，我唔覺係笑話，係童話。」講完後，193亦忍不住落淚。

當ERROR唱出《勁歌金曲》時，全場歌迷亦隨即起立揮動螢光棒及合唱，神秘嘉賓古巨基亦突然現身合唱，氣氛勁high，搞到基仔即笑說：「好high，估唔到一首慢歌都企起身。」而ERROR則笑指現場似K房，只欠啤酒和骰盅，之後ERROR問基仔為何會應承做嘉賓？基仔說：「為嘟姐、子華、張家輝同老婆，因為我老婆有個平台，肥仔當時成日去幫手，但我自己本人係為咗我自己來做ERROR嘉賓，因為ERROR為我哋帶嚟好多歡樂。」基仔表示在後台時突然想到《勁歌金曲》是上一代歷史，更反問ERROR是否有興趣為這一代金曲做總結？但保錡指他們還未到這個級數，基仔除鼓勵ERROR做歌外，更口頭答應度一個計劃找ERROR合作，令他們勁開心，更搞笑地話：「諗住搲撈，點知派撈。」ERROR在唱出道歌《404》 後，演唱會在12點18分完結。

【點擊睇《明星生活 ERROR LIVE SHOW 2022》精采演出】：

阿Dee（何啟華）在楝篤笑環節講到覺得自己成為明星其中一個理由就是家裡多了一噸啤酒時，抽足球名星美斯水，笑指在前晚看到美斯捧盃時自己也眼濕濕，皆因他想到在卡塔爾有禁酒令致啤酒滯銷：「美斯，I know that feel bro，10萬噸啤酒。」

保錡（吳保錡）在唱《猥瑣》前突然講感受，指4年來最想做音樂：「我好想攞獎，不過人貴自知，未來十年應該攞唔到獎，我想借個台同舒文講多謝，佢為我嘅人生做咗兩首派台歌，其中一首《猥瑣》係人生代表作，冇《猥瑣》就冇人聽到我唱歌。」又謂入行前經常被睇低，因此他就努力令自己更強大。

小肥做表演嘉賓。

193似乎好感觸！

表現興奮。

保錡又指肥仔一直提到當年被淘汰的原因是因為小肥，故今晚請小肥來「覆桌」。

唱《Am I crazy》時，肥仔表示歌詞很感觸，之後他更一度感觸落涙。

神秘嘉賓古巨基亦突然現身合唱，氣氛勁high。

即場約定有合作計劃。

基仔話今次係為自己做嘉賓。

表現興奮。

台上台下都玩得好開心！

193話開騷前失聲搞到要打類固醇開聲。

阿Dee亦自爆因開騷太大壓力，故手上生滿粒粒。

對於演唱會超時，ERROR接受訪問時表示不知道誰會為此埋單，193笑言騷前已問過公司，但沒有回覆所以便很放心去做，問他們演唱會商品是否滯銷，所以要不停在台上促銷？他們笑言只是希望大家能買多點，至於開騷前失聲搞到要打類固醇開聲的193 就表示仍未康復，更指今晚開騷亦有打：「每晚完咗show就開始好攰講唔到嘢，因為見到台下啲人嗌，腎上腺上升連講嘢都大聲好多，就失晒聲，不過聽日要開工，希望開工講到嘢。（開騷前確診，是否頂得住？）頂唔住都要頂，鬼叫你窮咩！」至於是否希望開part 2？肥仔即說：「夠啦，你哋試吓4場都跳9分鐘啦？」而阿Dee亦自爆因開騷太大壓力，故手上生滿粒粒：「我搞唔掂，真係要唞吓，醫生話係一種神經病毒，精神壓力、身體免疫力唔平衡。」提到演唱會中，肥仔一連唱了多首郭富城的快歌，他承認是向對方致敬，但就被阿Dee及193踢爆唱了《鐵幕誘惑》的鹹濕版。至於今次能請到基仔做嘉賓，ERROR表示《勁歌金曲》是大家在K房的共同回憶，故很想唱一次，亦沒有想到唱時那麼好氣氛，至於是否真的與基仔有合作機會？他們說：「你啱啱聽到有幾多就有幾多，希望真係可以成真！」

【其他文章】：

5位拖延婚期界KOL丨馬國明戀湯洛雯兩年半屢被催婚 陳庭欣拍拖4年豪門夢碎？

何超蓮傳與內地男星竇驍3年情斷 與網民互動簡單兩句粉碎分手傳聞

天師執位｜苗僑偉曾與翁美玲及另一男星山上過夜：唔沖涼，直頭妝都唔落

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ