楊梓菁目睹紅衣女跳樓「嘭」聲巨響 憶述當時情況自責落淚有嚴重後遺

楊梓菁（Wiyona）近日去了ViuTV節目《晚吹- 總有一瓣喺左近》分享靈異經歷，自言天生體質敏感的她，本來對鬼神之說一直避之則吉，殊不知因為目睹住所附近的跳樓事件，一度令她的情緒大受困擾，在分享過程更忍不住落淚。

【點擊睇楊梓菁的靈異經歷】：

參與過不少劇集之演出。

晒長腿！

身材真係好好！

原名叫楊柳青改名為楊梓菁，希望有助星途發展。

參與過不少電影之演出。

楊梓菁曾在TVB劇集《解決師》全裸上陣拍出浴戲，色誘李天翔。

楊梓菁日前現身ViuTV的《晚吹- 總有一瓣喺左近》，分享一個靈異經歷。

楊梓菁希望因為今次分享，令自己可以釋懷！

楊梓菁表示兩年前因為疫情問題，當時餐廳只能叫外賣，而她在回家途中，遇上所住的屋苑有人跳樓，因她本身好驚鬼神之說，所以一直不敢向上望。

不過當時有警察封路，拎住兩袋食物的楊梓菁只好等待，聽到身邊有不少人向上望兼指指點點，搞到她亦忍不住向上望，結果見到窗邊有一對腳喺度，原來有人坐咗喺度，而地面擺了救生墊。

楊梓菁即刻行第二條路衝返企，而佢屋企嘅露台可以望到嗰坐大廈，睇吓係咪真係有對腳喺度。

點知望完之後，成個人即刻崩潰咗，之後行返入屋，嗰陣間屋只係得佢一個人，楊梓菁話佢喺度狂喊，猛話：「唔好跳呀，唔好跳呀！」

楊梓菁話自己嗰陣好不安，即刻打畀個朋友，嗰個朋友叫佢即開大聲個電視，唔好畀自己聽到啲聲，但係佢已經好驚咁不停喊。

突然間聽到「嘭」一聲，朋友叫佢即刻執嘢離開屋企，落到樓之後，聽到個管理員話：「冇架喇。」

返咗屋企之後，楊梓菁話瞇埋眼見到佢個樣，佢個心不停許願希望佢冇事，嗰陣成晚都瞓唔到，跟住喺群組見到單新聞，話嗰個紅衣女郎送院後不治。

楊梓菁話嗰個畫面成日喺腦海出現，返番屋企行出露台，佢感覺到出面有個人望住佢，跟住有一種自責嘅感覺，覺得自己救唔到佢。

自責感覺好強烈！

個心一直都好唔舒服。

楊梓菁之後忍唔住喊，覺得自己當時係咪應該做啲嘢阻止呢件事發生，情緒仲因為咁而受到困擾，覺得好自責

講講吓忍唔住喊。

喺呢段時間，無論喺感情、工作甚至自己同朋友溝通都好困難，好似好難溝通，覺得自己好亂。

楊梓菁話甚至有一段時間，覺得自己嘅靈魂同身體係分開咗，兼且長期封閉咗自己，因為覺得朋友嘅說話對自己影響好大。

點知有一次喺露台，突然有股力量同佢講：「你喺呢度跳落去就冇事。」

嗰刻楊梓菁即刻好驚，對腳企咗喺度唔郁得，佢即刻用意志同自己講：「楊柳青你同我返番入去。」之後要用好大嘅力，抬返對腳入屋，佢走入厠所狂摑自己，等自己可以清醒啲。

喺朋友介紹下，去咗搵法科師傅，做咗一次法事只係個心舒服啲，但係對個人幫助唔大，之後再上多去一次，入咗房同佢對話，嗰陣喊到成個人都傻咗，之後師傅就話已經請走咗佢，慢慢個人就可以好啲。

楊梓菁（Wiyona）原名叫楊柳青，她在今年6月簽約哲星匯文化娛樂時，獲高人指點改為楊梓菁，希望有助星途發展，以新名字重新出發。在2006年以模特兒身份加入娛樂圈，其後在2011年參加Now TV舉辦的《CEO選拔賽》並獲得「最受歡迎CEO獎」，之後在Now、ViuTV擔任主持，到了2016年首次參演ViuTV《三一如三》；翌年在TVB台慶劇《溏心風暴3》飾演名模Jenny一角，因在劇中大顯身手而備受關注。

楊梓菁為了在行內突出自己，毅然學習詠春、巴西柔術、泰拳、八卦掌、綜合格鬥等多種武術。她曾在一次試鏡中表示「我日後要做一個動作演員」，然後便展開動作演員之路，她曾經在電影《入鐵籠》受傷致肋骨移位發炎，一度從半空倒地休克，最後花足9個月才痊癒，她又試過為《歡樂滿東華》籌款表演「單車疊羅漢」練到周身傷，坦言每逢翻風落雨舊患也會痛。

【其他文章】：

陳煒性感大解放繼續晒蜜月靚相 激罕著比堅尼騷火辣身材為網民取暖

分分合合藝人逐個數丨大S具俊曄甩拖20年重逢即閃婚  民選影帝暴打舊愛箍煲

6個移居藝人！甘草使2,300萬買獨立屋豪宅    羅敏莊鋪路6年囡囡入泰國哈羅

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ