Juicy叮｜公屋新舊樓優劣惹熱議 網民：舊樓住地點新樓住質素

不少人在申請公屋時希望獲派新樓，近日有人則在網上發文，引起網民熱議新樓與舊樓的優劣，更有網友總結指「舊樓住地點，新樓住質素」。

有網民日前在Facebook群組「香港公營房屋討論區(FB版) 」發文，指「點解咁堅決要新樓？派舊樓黑晒面！」相關帖文隨引引起熱議。有人列出舊樓的特點，包括「租平，獨立式窗口，老人家多，救護車經常出入安全」，並直言較喜歡舊樓，又指「其實舊樓比新樓大好多，我一家4口派新樓都無要，依家派舊樓仲間到3房，新樓兩房都逼」、「舊樓配套，採光，氣流是王道」、「我住35年以上慨舊樓，剩係睇個景夠開揚，空氣超好同交通方便，返學只需步行15分鐘，就已經好開心感恩」、「我都係派45年舊樓我覺得最緊要住得舒服，仔女返學夠近，有露台，有海景，真心正，我第一派已要咗」、「如果畀我可以再換，我一定會選舊公居，依家越新樓越細」等。

請點擊組圖瀏覽：

有人喜歡舊樓。資料圖片

有人列出舊樓的特點，包括租平及老人家多。資料圖片

有人指出，「舊樓比新樓大好多」。資料圖片

有人則較喜歡新樓。資料圖片

有人則指，舊公屋潛在成本高好多。FB截圖

有人指，「舊樓配套，採光，氣流是王道」。FB截圖

有人指，舊樓空氣好及交通方便。FB截圖

有人認為，「咸魚青菜各有所愛」。FB截圖

有人則指出舊樓的問題，包括「舊公屋潛在成本高好多，裝修貴，要自己花錢加鋁窗同冷氣機位。氣密差，夏暖冬涼。走明線，啲凸出來嘅電掣阻住放傢俱。設計落後，啲八葉窗多餘到爆。冬天沖涼涷到僵」、「公屋舊咗好多潛在問題！裝修貴，又唔可以間房到頂！木板房無夫妻生活！唔好彩幾年後又甩皮甩骨，無仇報！樓下好多時有一班廢老聚賭，地方又污漕啲。新樓間隔設計似私樓，可以用磚間房，房有窗，地方窄長， 好用好多。樓下設計通常駁去商場，減少無謂人聚集，暫時又唔會有廢老聚集。舊樓住地點，新樓住質素」。

相關新聞：

Juicy叮｜獲派石籬邨揭同層有凶宅 港男躊躇：唔知仲要唔要好：https://bit.ly/3FB3i6B
Juicy叮｜不滿有人長期住內地別墅疑濫用公屋 港女：舉報會否有用？：https://bit.ly/3PIDGJJ
Juicy叮｜患末期病港媽憂離世後兒子無處容身 發文詢問可否加快申請公屋：https://bit.ly/3jd3FN6
Juicy叮｜等公屋8年三派「問題單位」 港男靠一方法獲家維邨成功「畢業」：https://bit.ly/3UYZhPa
Juicy叮｜輪椅人士申體恤安置獲派公屋1人單位 一原因致無奈拒絕：https://bit.ly/3HqJchX
Juicy叮｜輪公屋8年二派獲派舊樓彩虹邨 港媽心大心細終被網民兩個原因說服：https://bit.ly/3OJryrg
 

有人則指出喜歡新樓的原因，並指「派樓得三次機會…房署個入息資產限額，幾上進幾想上流都住10年8年先買到樓啦，想要新樓好正常」、「因為啲人要成世住公屋，冇能力搬，40年舊樓點可以住一世」、「買衫著都要買件新㗎啦， 唔通買二手呀， 房屋一樣。 住起上嚟舒服啲」、「正常吖，買新樓都貴啲啦，不過政府樓冇得揀」等。有人則指出新樓的問題，「新樓，無大騎樓，新樓，面績細；新樓，走廊唔通風，新樓，電線入牆，跳掣跳到痴線」，亦有人認為「只可以講，各有各好」、「有三次機會，做乜唔揀最啱心水嘅?咸魚青菜各有所愛，毋須問其他人點解」等。

帖文來源：「香港公營房屋討論區(FB版) 」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ