Juicy叮｜與父母同住阿哥家姐唔畀家用 獨居港女：黐飲黐食就老馮唔畀錢

為人子女，「畀家用」是愛還是責任？有港女在網上發文提到，家中有4兄弟姐妹，自己是細女。大家姐一家移民後已未有再「畀家用」，與父母同住的阿哥一家及二家姐亦未有「畀家用」，但是獨居的她卻一直無間斷地「畀家用」，大呻「同住黐飲黐食就老馮唔畀錢，我為乜要繼續畀呢？」

該名港女在香港討論區以「個個都唔畀家用，我都唔想畀」為題發文，提到家中有4兄弟姐妹，自己是排行最細的細女。父母已70多歲，居於自置物業，每月有約3萬元的被動收入。她提到，大家姐一家人移民英國後已未有再「畀家用」，已婚阿哥則一家三口與父母同住，但「無畀家用，無畀水電煤，只係間中買餸返屋企一齊食飯，大時大節都唔會畀錢爸媽，只係生日那餐會埋單。但佢搵好多錢㗎，出面亦都有樓空置唔住」。她指阿哥面對親戚朋友時甚為闊綽，對家人卻一毛不拔，「爸媽問佢畀家用好多次都唔畀」。

請點擊組圖瀏覽：

有人認為，「畀家用只是想盡心意， 讓老人家開心，不該和兄弟姊妹比較」。網頁截圖

有人認為，「細妹永遠都係被阿哥搵笨」。網頁截圖

有人認為，「咁咪齊齊唔好畀囉，每個月畀1千幾百佢哋飲下茶就算」。網頁截圖

有人認為，「你哥全家啃老，真係好過份」。網頁截圖

有人指出，「每個月有三萬蚊收入 ，會唔會佢個收入仲多過你份人工」。網頁截圖

樓主續指，未婚的二家姐亦與父母同住，但因有經濟困難已經有一整年未有「畀家用」，樓主未婚單身，已搬離家獨居10多年，「四個當中搵最少錢係我」，但她一直無間斷地「畀家用」。她大呻「同住黐飲黐食就老馮唔畀錢，我為乜要繼續畀呢？」並直言「父母都好慳儉，我啲錢只會令儲蓄增多，最後遺產得益都係佢哋」。她又指，「由細到大我都係不被重視嗰個，偏心呢樣野已經慣了」，並解釋指「家用係畀父母嘅養育之恩」。

相關帖文隨即引起熱議，有人認為「咁咪齊齊唔好畀囉，每個月畀1千幾百佢哋飲下茶就算」、「如果老人家無所謂就唔洗畀，我有啲朋友都一直唔洗畀家用，人工仲幾高下」、「細妹永遠都係被阿哥搵笨」、「做咩要比較啫，心意來，你唔想咪唔畀囉。其實畀家用只是想盡心意， 讓老人家開心，不該和兄弟姊妹比較」、「其實你冇同父母住，而父母都有錢，你可以唔畀，但要學識儲蓄。反而你哥全家啃老，真係好過份，佢哋住父母，食父母，但又唔畀錢，即係一家幾口都要70幾歲老父母養。另外一個經濟唔好，可以理解」、「每個月有三萬蚊收入 ，會唔會佢個收入仲多過你份人工」等。

帖文來源：香港討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yL