貨櫃碼頭奪命工傷│農曆生日變死忌 幸福家庭破碎 父怒吼：要追究責任

「佢好顧家，對小朋友好，對老婆好，我同仔女想要買乜，佢有錢買得起嘅都會買畀我哋。佢好勤力，每朝6點幾出門口，有時又會加班，凌晨4點開工，到第二朝先收工。」今日(15日)在葵涌貨櫃碼頭疑為防撞緩衝板做壓力測試時，因發生爆炸而被飛彈10米外重創不治的37歲茹開洋，在妻子眼中是好丈夫，在父母眼中是孝順仔，今日更是茹的農曆生日，原本一家人打算買薄餅及加餸在家慶祝，豈料早上噩耗傳來，生辰變死忌，美好家庭瞬間破碎，茹母不禁慨嘆：「哎，以後點算呀！」

茹開洋與妻育有一對子女，長子幼女，幼女年僅3歲，稚子無知，還不知父親死訊，在家鬧着玩，茹父母及妻子卻瀰漫一片愁雲慘霧。茹妻本身患有甲狀腺病，要長期服藥，每月要覆診，「加加埋埋中西藥都要成3000幾蚊，重嘢嘅工作我做唔到，只可以做低人工嗰啲。」茹開洋一家四口與父母同住梨木樹邨，所以一家的經濟重擔都落在開洋身上。

相關新聞：貨櫃碼頭奪命工傷│壓力測試氣體突爆炸 37歲男工人飛彈10米外 重創不治

茹的細女稚子無知，還不懂父親去世的事。

死者茹開洋。家人提供相片

茹的細女稚子無知，還不懂父親去世的事。

茹開洋母親對兒子慘死一臉難過：「以後點算好？」蔡楚輝攝

一家失去經濟支柱。

 

茹父本身都在地盤工作，因年老現只間中開工，他說兒子「乜都做，燒焊、風煤、泥水乜都做。」他指細仔都是與開洋在同一地盤工作，「今早接到細仔電話，先知開洋出事。佢喺呢間公司做咗十幾年，一個月基本有2萬多人工，加班開夜都會有3萬幾蚊，一家生活還可以。」只是出事後，他直指公司無人聯絡他們一家，「點解會做呢啲壓力測試？監管係咪有問題？要調查呢件事！要追究責任！」

茹妻對丈夫公司的處理手法更是不滿，「發生咁嘅事，公司老闆或管理人，一個電話都冇打過嚟，如果唔係我叔仔喺嗰度返工，我都唔知發生咩事！其實去到醫院，都係阿Sir同我講啲情況，公司真係冇一個人去，只有一個工友去，叫我唔好咁難過。佢公司到依家都冇一個電話。」

茹妻說丈夫不時向他訴苦指：「自己係主力，一個人做兩個人嘅嘢，佢出手就會快啲，佢唔出手就要多兩個同事做，幾斤重嘅風炮都係佢拆，靠唔到同事。聽佢講過話要落海底，仲差啲俾海水沖走，我仲叫佢小心啲。」開洋一般是早上6時許出門，正常傍晚6時收工，但不時會開夜加班，之前試過凌晨4時開工，翌日早上9點收工，開洋亦不禁「呻」辛苦。

茹妻憶起昨晚一家人還好開心，完全無徵兆，「以前有咩事，我都會眼眉挑，但依家挑都冇挑過，我今日瞓緊覺，聽到叔仔電話，話大佬昏迷咗，叫我去瑪嘉烈醫院，點知落到樓下巴士站等緊的士，就話佢已經走咗。」

茹妻說丈夫好顧家，平日在家只喜歡打機，不喜外出，但總會陪仔女到樓下玩耍。想不到，一夜間大好家庭，老父母沒有了兒子，妻子痛失丈夫，仔女失去了好爸爸。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ