鄭裕玲回復自由身拍193新歌MV 揚言再找Do姐做女主角要求濕吻戲份

2022-12-14 22:10

ERROR成員「193」郭嘉駿今日（14日）第三首個人單曲《越州公路193》，今次193唱出一個人移民外地，要靠廣東歌支持追夢的故事，找來張繼聰作曲、謝安琪監製這對夫妻檔，和黃偉文填詞外，MV更特別找來最近回復自由身的「Do姐」鄭裕玲客串！193笑說：「MV一係冇女主角，一係就要搵個好勁嘅女主角。」所以今次誠邀Do姐合作。

【點擊睇Do姐客串193MV】：

193今日推出新歌《越州公路193》，唱出一個人移民外地，但靠聽廣東歌去支持自己尋夢的故事。

今了今次MV，193出動私人古董車，將它改頭換面變成的士。

在MV開始，Do就已經現身，不過未見樣。

今次Do姐的造型是193找專人設計，再配以閃亮鑽飾，相當高貴。

今次MV掛名Do姐也是主演！

193表示：「Do姐呢個似係英國皇室，但去葬禮嘅造型。」

Do姐一口答應為193客串新歌MV！

Do姐笑說193暗戀自己，193即表示：「我呢啲係明戀啦！做到咁足！」

193指要去Do姐屋企打掃答謝對方客串，還會帶埋姜濤！

𠱁得Do姐好開心，不過ERROR其他三子就拜拜。

Do姐月前與193一齊睇MIRROR紅館騷。

Do姐同193都好friend。

Do姐曾經與ERROR四子拍廣告，不少網民都期待會開拍《Do姐ERROR遊》。

Do姐好錫193，早前也特別現身支持其個人品牌展覽。

Do姐是星級姜糖，在IG只follow了姜濤和GOT7成員王嘉爾！

Do姐都好錫MIRROR十二子。

今次193的MV出現四個場景，需要一個高貴女主角，他表示：「我心目中最高貴嘅就係Do姐，所以諗住碰下運氣，問下又唔使錢，點知佢一口答應咗。之前唔夠膽問，係怕有好多合約上嘅問題，所以都費事問，免得面懵懵被拒絕。」Do姐笑說：「你唔驚面懵㗎！」193回道：「對其他人唔驚，對你咩都驚，你係女皇。」

今次193找專人設計Do姐的MV造型，Do姐笑說：「我有理由相信你係暗戀我嘅，我無以為報喇！」不過當193問到會否有更多謝禮時，Do姐即投訴說：「仲想點？我冇客串過MV，仲以為有好多對手戲，點知係冇乜。」193即解釋說：「唔夠膽要你咁操勞，不如下次你做女主角，我哋打車輪！」

Do姐今次客串未有收取任何酬勞，193也苦惱要如何答謝對方，Do姐便表示：「家家有求，第時有嘢要幫忙，就搵你幫手。」193指就算為Do姐打掃屋企都OK，因為他聽說Do姐屋企很大，很想參觀一下，他更誇下海口：「最多約埋姜濤一齊嚟。姜濤而家整傷隻腳，我可以幫手推輪椅。」Do姐聽到即笑逐顏開，更說：「好喎！無任歡迎，ERROR其他3個可以唔要了！」

【其他閱讀】：

61歲江華驚變韓系花美男逆生長再現密黑髮厚實瀏海搣甩M字額

神隱多年甄楚倩現身賀好友生日單親媽獨力湊仔shopping專攻街市

高海寧舉家曼谷旅行賀爸爸生日自貼素顏黑圖：晚晚熬夜睇波

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字