世界盃2022｜專家分析:打倒舊足球世界
2022-12-12 14:15 
早幾日搭的士，跟司機談到世界盃，司機講到「而家啲波愈來愈假，日本都贏到德國，巴西都會輸畀克羅地亞。」每次去到呢啲「熱門輸就係假波」嘅對話，我就會自然收聲，安靜搭車。呢種言論對好多運動員或者從事相關行業嘅人，都係侮辱。若果話場場都係假波，我一定會唔再睇波。
其實係因為太多人用舊思維和對以往的認知，去量度今日的足球，才會有如此反應。今屆世界盃最明顯的分別在於分組賽極少打完兩輪就一定出綫的情況，因為現今各隊實力拉近，尤其在戰術上，每隊都已經好先進，較弱的一隊能透過不同戰術部署去爭取最大的抗爭能力。
相反傳統強隊如西班牙，只固守傳控足球，忽略了效率和入球。面對困局，沒有新嘗試，結果十六強出局，付出代價。
今天，非洲隊的紀律、巴西的逼搶、荷蘭的務實，全部都推翻了舊足球世界的認知。世界已變，放低包袱去接受衝擊，才不會被世界所遺棄。 —馬高
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
關鍵字
最新回應