Juicy叮｜救戶主一命惟不獲感謝 豪宅保安：萬幾人工救億萬富翁真係唔抵

正所謂施恩莫望報，不過有自稱為豪宅保安的網民在網上發文，提到自己救了一名戶主的性命，對方卻「一句多謝都冇」，因此感到氣憤，並直言「我份人工萬幾去救你呢個億萬富翁，真係唔抵冇下次」。

該名網民日前在香港討論區以「我係做豪宅保安，我救咗戶主條命，有冇可能問佢攞番幾百萬賞賜」為題發文，提到該名戶主在沒有開冷氣加上密閉車窗的車內入睡，眼見對方「差啲死」，自己隨即拍打其車窗，但對方卻「一句多謝都冇」，因此氣憤地表示「總之就唔叫醒佢等佢死喺車廂度」。樓主又指，「拍醒佢開車門時，佢係好驚慌chok住條氣同我講冇事呀冇事呀，一句多謝都冇，我份人工萬幾去救你呢個億萬富翁，真係唔抵冇下次」。

相關帖文隨即引起熱議，有人指出「可能佢輸到爆廠諗住喺架車度自殺，點知畀你撞破咗搞到自殺唔成，依家佢死唔去仲要孭住幾億債，真係多謝你」、「你擾人清夢，唔收投訴已好彩」、「人工包喎。做保安，見到有個賊入屋你阻止，唔通你又問個業主攞返錢咩」、「你份糧包咗，that's all。你唔救，你會收warning letter同被人炒」、「咁大貪！」、「下次你搵佢，佢會以身相許」、「救人一命 勝造七級浮屠，不要貪心」、「你厚多士啊」、「哇！你好貪錢」等。另有人則認為，「救人一命勝造七級浮屠，已是人上人。好心有好報，時辰未到」、「積咗德，個天會以另一種形式回報你，自己唔好去討」等。

帖文來源：香港討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLr