獨家丨黃建東被笑搲撈王好怕乞人憎 蔡國威講遺憾一提老竇即喊

2022-12-09 08:00

黃建東被笑搲撈王好怕乞人憎,蔡國威講遺憾一提老竇就喊。
黃建東被笑搲撈王好怕乞人憎,蔡國威講遺憾一提老竇就喊。

黃建東與蔡國威早前奪得TVB《全能司儀選拔大賽2022》冠軍,有機會在台慶《香港小姐再競選》中任司儀,兼且雙雙入圍角逐「飛躍進步男藝人」。蔡國威喊住表示未能跟已故爸爸分享喜悅是人生憾事;而東東於家中開live就激動爆喊,感慨成績得來不易。採訪:方騫平 攝影:鄧國良 服裝:ROMAGO(黃建東) 、DECISION(蔡國威)

奪全能司儀後,黃建東及蔡國威多咗好多觀眾認識。
奪全能司儀後,黃建東及蔡國威多咗好多觀眾認識。
黃建東與蔡國威最開心得到認同。
黃建東與蔡國威最開心得到認同。
齊齊為事業打拼。
齊齊為事業打拼。
兩人多咗好多觀眾認識感到好開心。
兩人多咗好多觀眾認識感到好開心。
東東否認成功搲撈。
東東否認成功搲撈。
蔡國威自言面皮薄未上過6樓。
蔡國威自言面皮薄未上過6樓。
東東見蔡國威情緒激動,不知點算好。
東東見蔡國威情緒激動,不知點算好。

黃建東與蔡國威最開心得到認同,多咗好多觀眾認識。入行11年,41歲的黃建東形容入圍「飛躍」經已係一件好榮幸的事;而49歲蔡國威分別在ATV及TVB工作20年及6年,𠵱家才有機會提名「飛躍」獎已經賺咗,他笑說:「咁舊公司都冇呢啲獎,所以呢個對我嚟講係一個交代。」

 

東東及威仔孖住入圍角逐「飛躍進步男藝人」獎。
東東及威仔孖住入圍角逐「飛躍進步男藝人」獎。
兩人奪全能司儀得來不易,所以開心到不得了。
兩人奪全能司儀得來不易,所以開心到不得了。

中佬的心事

問到被封為「6樓搲撈王」嘅東東是否代表成功搲撈呢?他尷尷尬尬說:「其實之前完全唔知道有呢個封號,聽到都有啲難受,搞到我𠵱家唔敢再上6樓製作部,好驚啲同事覺得我好煩,變咗好乞人憎。」講返以前厚住面皮摸上6樓,他說:「我Feel到同事未必想同我傾偈,有啲甚至遠遠回應『得㗎喇!有適合會話你知。』打發我走,我惟有打圓場,9秒9話打搞晒,係一件好唔型嘅事。」

阿姐都有點名大讚東東多才多藝。
阿姐都有點名大讚東東多才多藝。
東東獲獎後回家開直播,表現同樣好激動。
東東獲獎後回家開直播,表現同樣好激動。
東東賽前唔知自己被封「6樓搲撈王」,形容有啲難受。
東東賽前唔知自己被封「6樓搲撈王」,形容有啲難受。
東東過往都「搲」到唔少好角色。
東東過往都「搲」到唔少好角色。

蔡國威自言面皮薄未上過6樓。有今日成績,除咗多謝舊公司幫忙,他帶淚感謝已故爸爸:「我係單親家庭長大,爸爸反對我入行,兩父子經常為此而爭拗,但其實佢內心對我好好,最遺憾當年被人話喺二奶台做『二打六』,又攞唔到錢返屋企,到我搵到錢時佢就病咗,對佢補償唔到,兩父子連旅行都未去過。」

威仔唔想變喊包,但一提到爸爸眼淚就失控。
威仔唔想變喊包,但一提到爸爸眼淚就失控。
威仔話亞視台前幕後幫佢好多,圖中「亞視之友」江美儀、鮑起靜、陳啟泰、韓君婷、袁文傑等。
威仔話亞視台前幕後幫佢好多,圖中「亞視之友」江美儀、鮑起靜、陳啟泰、韓君婷、袁文傑等。
威仔喺TVB六年拍過唔少劇集。
威仔喺TVB六年拍過唔少劇集。
威仔同朱慧珊係當年亞視一哥及一姐。
威仔同朱慧珊係當年亞視一哥及一姐。

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

關鍵字

最新回應

關鍵字

相關新聞

You are currently at: std.stheadline.com
Skip This Ads
close ad
close ad