Juicy叮｜的士司機遇野蠻乘客 毒舌過招頻爆鬧人金句：我喺青山冧咗幾個
2022-12-07 16:37 
有的士司機遇到野蠻乘客，因戴口罩問題雙方爆言語衝突，在車程中你一言我一語，毒舌過招頻爆鬧人金句，影片在網絡瘋傳，最後乘客自稱有精神病，並拋下一句：「我喺青山冧咗幾個，你執到啦。」
【的士司機遇野蠻乘客 毒舌過招對話逐格睇↓↓↓↓】
一家三口在馬鞍山頌安邨上車。
一家三口在馬鞍山頌安邨上車。
客：開窗啦司機。
司機：開窗仲咩呀?
客：你除咗口罩呀嘛。
司機：我戴咗口罩。
客：你頭先咪除咗囉。
司機：你哋都未上車。
客：開個窗呀。
司機：去邊呀？
客：火炭。
司機：你好似搵交鬧咁。
客：我唔係搵交鬧，我最憎人呢，你開工時間嚟呀嘛，你係有權要戴(口罩)呀嘛。
司機：無人係車到我可以唔戴㗎嘛。
客：你呢啲咪賤格囉。
司機：咁你又係搵交鬧囉。
客：我唔係搵交鬧，我係XX啲衰X人。
司機：你梗係最好啦，全世界最好係你。
客：我梗係好呀，你咪X再嘈呀。
司機：喂，你鬧人就得呀。
客：我話你聽，你玩唔起呀。
司機：咩玩唔起呀，你想玩咩呀？
客：行你就行啦，咪咁多嘢講。
客：咪咁X串呀。
司機：唔知邊個串呢？
客：我擺明串你㗎啦。
司機：擺明咪擺明囉。
各人戴安全帶
客：望乜X嘢呀。
司機：唔畀望呀。
小孩：爸爸你扣錯咗我嗰條(安全帶)。
客：係咩？車都衰啲，你人又衰，車又衰。
司機：有啲衰人坐咪衰囉。
司機：襯返啲咩人坐嘅呢。
客：你講X夠未呀？
司機：大家咁話啦。
客：阿仔呀，第日，大個無嘢做都唔好揸的士，知唔知呀。
司機：係囉，做乞丐好過啦。
客：呢啲，連乞丐都不如呀。
司機：坐的士嗰啲都係呀，又要坐的士又要鬧人，都唔知乜嘢心態。
客：係呀，好似你咁，一樣咁賤格。
客：呢啲無賴，真係可能未去過醫院。
客：迴旋處轉右。
司機：去邊呀，阿哥。
客：再轉個圈。
司機：你想去邊先。
客的太太：一陣轉右嗰方向，我再話你知。
司機：咁我都要知邊到先揸到。
客：你聽我指示。
客的太太：我頭先講咗，你個路口轉右。
客：唔好畀錢佢呀。呢啲人咁賤格，畀兩蚊佢好啦，知唔知呀。
客：唔好畀錢佢呀。呢啲人咁賤格，畀兩蚊佢好啦，知唔知呀。
客：唔好畀錢佢呀。呢啲人咁賤格，畀兩蚊佢好啦，知唔知呀。
客：認X住佢個樣。
客：我有精神病，去X過青山冧X咗幾個啦，你執X到啦。
客：我有精神病，去X過青山冧X咗幾個啦，你執X到啦。
影片全長約4分鐘，該乘客一家三口在馬鞍山頌安邨的士站上車，開頭聲稱去火炭，其後至馬鞍山保泰街We Go Mall即下車。
男乘客上車即因司機無戴口罩而出言指摘，其後雙方演變成「毒舌」式罵戰，行車時雙方唇槍舌劍，一言一語充滿機鋒，抵死生鬼，影片在網上熱爆，引來網民熱烈討論。
【點擊即睇｜網民妙論的士司機遇野蠻乘客↓↓↓↓】
網民對事件議論紛紛，有網民指乘客一開始已充滿敵意，但有乘客則認為司機不應再與乘客駁嘴，以免火上加油。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
關鍵字
最新回應