黃嘉樂離巢丨親回離開TVB原因：畀機會自己睇吓其他嘢
2022-12-03 14:35 
現年43歲的黃嘉樂（Stephen）昨晚（2日）宣布離巢TVB，黃嘉樂今日（3日）回覆《星島頭條》，他首先感謝公司和監製，畀機會他拍攝《法言人》：「經過二十年終於可以擔正，喺自己成長嘅地方做到呢一次主角，真係好感恩，好感謝畀機會我嘅人。離開公司就當然好唔捨得啦，我真係喺呢度入行，喺呢度成長，好多感情。」
【相關閱讀】：TVB「御用細佬」黃嘉樂宣布離巢 結束21年賓主關係
【點擊睇黃嘉樂過往演出】：
談到將來的發展，黃嘉樂說：「而家我過咗40歲，又成家立室咗，自己好想有啲改變，始終一直我哋喺公司嘅身份比較被動，而家可以試下唔同嘅嘢，咁多年除咗拍劇，好似冇畀機會自己睇吓其他嘢，睇下岀面發生緊乜嘢。而家我覺得係一個好好嘅契機，真係乜嘢都想試。」
至於有否與太太商量，黃嘉樂笑言當然有：「咁大件事當然有同太太商量吓啦，太太好支持我每一個決定，佢仲話：『最緊要我開心。』其實即使將來同TVB都可以用唔同方式合作，只係自己想睇下岀面有咩嘢可以嘗試同挑戰。」
入行21年的他，昨晚（2日）在社交平台發文感謝這些年陪伴他成長的一切，感恩所有遇上的人和事，而且全都是最好的收穫：「跳岀舒適圈，尋找更多機遇，迎接未來更多挑戰，期待一個全新的自己。#AbrandNewDay #感恩一切#人生有幾多個十年」。
【其他閱讀】：
張繼聰5歲囡囡Kakaball顏值極速升級 臉尖尖扮老鼠仔登演唱會舞台
TVB綠葉離巢後愈來愈富貴？御用OL變年薪百萬女強人 御用法官轉行做保安
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應