林敏驄成視帝大熱稱冇人通知佢：咩頒獎禮？坐低等嗌名？
2022-12-02 20:55 
林敏驄、郭柏妍（Rosita）、文凱婷等到將軍澳電視城為《歡樂滿東華2022》表演項目探班，Rosita表示將與「Daddy」林敏驄唱劇集歌，擔心會失禮對方，可惜「妹妹」羅毓儀因忙拍劇未能一齊參與表演。
身為視帝大熱的阿驄，問回電視城可會順道為《萬千星輝頒獎典禮2022》入圍「最佳男主角」拉票？他說：「咩頒獎禮呀，無人通知我，坐低等嗌名？我都是睇報紙先知，我要知遊戲規則先，踢世界盃都要知有冇越位，有冇得換人啦！我問細的答不到，大的又擰歪面。（問最大的曾志偉？）人間蒸發㖭呀！」
【點擊睇靚相】：
講到「視帝」人選不少人視阿驄為勁敵，他笑說：「勁咩敵？我拎到民選視帝已好開心，觀眾睇到唔知邊場戲，就話直接頒個獎畀我，我都好開心啦！（通知你參加會不會到場？）隨傳隨到呀？到時先諗。」問阿驄最近會否多了人聯絡他傾工作？他表示忙出NFT及準備演唱會：「咪睇下（Rosita）唱得好不好，不過我演唱會賣飛㗎。（想在哪個場地開騷？）等公佈啦！」問入圍多個獎項的Rosita可會想拎獎？她表示，想得「最佳劇集」，更問阿驄可會到場出席，阿驄聞言說：「你代我攞得啦，你攞飽去！」
【其他文章】：
盤點25位明星童年照！周潤發細個勁老積 Do姐原來係肥妹仔！
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應