Juicy叮｜家姐男友經常上門黐飲黐食 阿妹呻「好似我哋服侍佢咁」

有港女在網上發文，大呻家姐的男朋友經常到他們家中「黐飲黐食」，但不會主動幫忙，「好似我哋屋企服侍佢咁」。

該名港女在香港討論區以「家姐男朋友成日上嚟黐飲黐食」為題發文，提到自從家姐帶男朋友回家吃飯後，對方「成日上嚟屋企黐飲黐食」，並猜測可能是因為當他第一次到他們的家中吃飯時，母親說了一句「得閒咪上嚟食飯，多個人多雙筷啫」。樓主指，「都係禮貌上講下，但點知就係呢一句出事啦，佢真係一啲都唔客氣」，並指「最近基本餐餐食飯都見到家姐男朋友一齊食」，而且「佢又食勁多嘢，飯又添幾碗，佢冇畀過一蚊畀我哋」。樓主續指，並非是打算向對方收錢，但認為對方應主動幫忙，「好似我哋屋企服侍佢咁，次次淨係個人上嚟，食完走，又唔會幫下手開飯，又或者洗碗」。樓主又提到，每逄生日等大日子時，他們亦會外出用餐慶祝，「佢都會照嚟，又唔畀錢，禮物又冇」，因此發文詢問其他網民「有咩辦法可以令佢唔好再成日上嚟食飯？」

相關帖文隨即引起熱議，有網民認為「有咁嘅男朋友，你家姐將來都唔會幸福」、「cheap咗小小」、「咁真係好賤格」、「食軟飯黐飲黐食，食完嘢又唔幫手洗碗，男人老狗咁大個人連基本做人處事都未識」、「男朋友好唔識做囉」等。有人則建議，「當面趕佢走啦」、「每次佢上來前短訊佢買半邊燒鵝，日本蜜瓜，等等，次次不同要求。冇買到就問姐夫呀，阿爸阿媽想食點解冇買嘅。要佢冇癮，食餐飯都背脊骨落」、「下次叫家姐男友夾錢買餸先好上嚟，話屋企唔係做善堂冇免費餐食」等。樓主在回覆留言時則指，「阿媽可以點講，佢仲呻家姐係唔係應該畀多啲家用」，並指「我家姐當佢係寶」，又指曾暗示過對方購買食物等，「但個未來姐夫唔識做」。

帖文來源：香港討論區