Juicy叮｜親戚考車「肥佬」8次 網民：多過3次就唔適合揸車？

考車需要技術及運氣。有計劃考車的網民在網上發文指，其親戚考車8次仍未能成功，最終決定放棄，並好奇詢問：「係咪如果考多過3次就算唔適合揸車？」

該名網民在香港討論區以「肥佬幾多次先叫多？ 」為題發文，指自己最近計劃考車牌，獲朋友告知「考車牌預咗自己至少要考兩次」。樓主指，考兩次仍然可以接受，但認為若兩次仍然未能成功就會放棄，並指有親戚考車8次仍未能成功，對方最終決定放棄，並好奇詢問：「考多過幾多次先叫多？係咪如果考多過3次就算唔適合揸車？」

相關帖文隨後引起熱議，有人認為「3次啦」、「自動波1-2次內要pass」等，亦有人分享指，「我個車牌以前考咗第4次先PASS」、「我考6次先合格」、「我自己是一次pass，三次算盡」等。有人則直言「肥咁多次真係唔好考好，會擔心道路安全」、「吓， 一次唔pass已經叫多」、「考3次都唔得真係唔好再考，唔好造成道路危機 」、「考唔考到牌同適唔適合揸車無關」、「晒(嘥)氣啦，運氣佔好重，身邊唔少男仔學車技術好都要2-3次先pass」、「你練習一百小時都冇用，真正考試路上變數太多，始終考車運氣比技術重要」等。

另有人則指出，「依家好似派路試都要半年至一年，考幾次真係好似馬拉松，而且隔咁耐，老實講，其實都唔會吸收到咩經驗。冇理由嗰半年至一年不停咁去學車㗎 ？都係考試前一兩個月先再操返，所以本身冇乜天份嘅，考多幾次其實真係唔出奇。通常女人睇立體係差啲，揸車會可能考幾次。男仔，通常一兩次就搞掂啦」。

帖文來源：香港討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ