龔嘉欣首回應被抽劇冇失望兩劇入圍爭視后否認被雪

2022-11-22 16:45

龔嘉欣（Katy）今日到觀塘出席聖誕活動，並用自己樣貌製作NFT球星頭像。Katy表示剛與朋友去日本休息一個月，去了東京及福岡，旅遊之餘亦順道了解當地食店的營運。Katy透露在台慶前已回港，提到她沒有出席台慶，她指因天生心臟血管問題，由於台慶需要很長時間，故公司亦很體諒：「血管位生歪咗，但如果要做手術就要開胸，係大手術，所以醫生都建議唔做，公司都好好，呢排就做啲短時間嘅工作，嚟緊都會拍新劇，不過都OK，有事我都拍打戲。（病發時會點樣？）有事時心口痛，要食藥減慢心跳。」

龔嘉欣去咗日本玩咗成個月。

龔嘉欣稱因天生心臟血管問題，所以無出席台慶。

提到主演的《新四十二章》兩度被抽起，Katy表示因要與內地同步播映，故需再重新配音及剪接所以要推遲，問到可感失望？她說：「以公司安排為大前提，只要對劇好，做演員會配合。」Katy憑《十八年後的終極告白2.0》及《回歸光影頌：究竟天有幾高》兩劇入圍「最隹女主角」，問她有沒有信心獲獎？她說：「一定要對自己有信心，但最開心觀眾對套劇有共鳴，陪笑陪喊，（對邊套比較有信心？）《十八年》，因為我同Shaun（譚俊彥）喺入面都合作得好好，大家創造咗好多驚喜出嚟，佢又好唔錫身，比我任打都OK。」而她亦很多謝Shaun昨天在記者會上投她一票，更笑指稍後會傳訊息多謝對方。

對於今年的提名名單惹爭議，Katy就表示沒有留意，就連自己被提名亦不知道，只是昨天開始收到很多朋友的信息，才想起要拉票，笑她以放棄態度面對頒獎禮，她馬上說：「唔係，我好積極，只係未發力，個名單尋日先出，而家拉票都未遲，我都要好好地諗吓點樣拉票。套劇播咗之後有迴響已經好開心，如果有獎就係錦上添花。」她又笑言到時要食定藥出席頒獎禮。對於有指Katy因得罪高層被雪藏？她說：「公司好錫我，同埋嚟緊都已經安排咗拍劇，係一個正能量嘅角色。」