14歲利濰回復清醒母激動勉勵：努力加油勇敢闖呢個難關！

2022-11-22 13:15

「阿仔，你認得媽咪喇?」14歲少年彭利濰本月7日在元朗青山公路灰沙圍晚膳後外出散步期間，被一部駛至私家車撞飛10多米，頭及手腳重創，昏迷送院。利濰經搶救留醫深切治療部兩周後，昨日終於清醒過來，帶着迷茫的雙眼轉了又轉，慈母哽咽問道：「你認得媽咪喇?」，利濰輕輕點頭表示認得，彭太激動直言「好感恩」，「佢依家總算保住條命，我仲可以攬吓佢，佢識得叫媽咪，已經好感恩！」

彭太昨天（21日）到醫院探望愛兒，同行尚有丈夫與前妻所生的長子，雖然長子已成家立室，與利濰的感情亦一般，但今次利濰出事，反而增進了一家的感情，同父異母的哥哥打開心扉，不時鼓勵利濰要振作，好好保重身體，「眼瞓就瞓覺休息，唔好諗咁多。」，眼見兄弟感情反因這次意外昇華，倒令彭太暖在心頭。

利濰就讀的學校發起集氣活動，師生為利濰摺紙鶴寄語祝福，父母親到醫院參觀。資料圖片

利濰母看見寫滿祝福句的壁報板不禁感動落淚。資料圖片

利濰母親指愛兒回復清醒，但仍要面對漫長康復路。資料圖片

利濰與母親感情要好。受訪者提供

利濰日常生活照。受訪者提供

利濰與媽媽的合照。受訪者提供

校長錄給利濰的訊息，祝福他早日康復。

利濰參賽獲獎的獎盃和獎狀。資料圖片

彭太憶述利濰昨天甦醒後，雖認得她與哥哥，但意識仍迷糊，對自己因車禍入院完全「斷片」。「媽咪，我點解喺呢度?」，彭太對他說因交通意外入院，「我同佢講，警方捉到撞佢嘅人，報紙登晒出嚟，佢都好想知係乜人撞佢，仲話好返要睇番啲新聞。」

彭太將同學為他摺的祝福紙鶴帶到醫院，又將校長、同學錄的語音訊息放給他聽，對於校長同學的窩心舉動，彭太形容「利濰識得笑。」不過，利濰對部分同學的記憶確實模糊了，「有好多唔同嘅同學組別，佢話唔記得邊個打邊個。」利濰只知校長和同學的關心，由衷說「好番返去再同佢哋玩！」

相關新聞：冷血司機落網│利濰仍未甦醒彭母：希望法律制裁到起碼還我個仔一個公道

14歲仔遭車撞飛｜利濰留醫4日仍危殆校長錄音打氣「叻仔頂住呀！」

14歲少年被撞案警再拘3人揭司機無牌駕駛女友助燒車利濰母親感欣慰

彭太說利濰死裏逃生，仍有待醫學觀察，「噚日佢講嘢都冇乜氣，好攰，聲好沙，因為仲插住胃、喉管，未食到嘢。」利濰一隻腳骹移位要箍着固定傷勢，另一隻腳可伸出，他的手部骨折，但手指可郁動，腦及腎臟均有受損，「醫生話最緊要攪掂唔會致命嘅部分如腦壓、盤骨唔再出血，又要避免細菌感染。」

利濰現時幾乎全身都包紥住，臉有少許花痕，為做腦部插管引流，頭髮剃光，「佢被撞飛10幾米，好似撻生魚咁撻落地，多處骨折，耳仔都有骨裂，塊面腫晒，醫生最初話好難評估腦記憶，要等佢醒返，依家佢有啲記憶係記唔到，就算之後記得返，都肯定要做心理輔導。可想而知，佢康復路係好漫長，佢受嘅創傷好重！」

對於利濰傷勢有些進展，彭太坦言「當時好激動、好感恩」，她說時哽咽感觸道：「一時諗返好淒涼，諗起人人都可以返學，佢（利濰）就喺醫院，佢讀書又唔差，點解咁唔好彩。」她說愛兒出事後親友、街坊都鼓勵她，支持她要撐下去，愛兒的生存撐着她，她也義無反顧地撐着愛兒，溫柔的她以強而有力的語氣寄語利濰：「仔啊！你一定一定要努力、加油，努力堅強啲！勇敢闖過呢個難關！總之記得我，記得我仲喺度！」