Juicy叮｜批私樓走廊一大缺點 送貨男：不得不承認公屋完勝

公屋竟然比私樓更優勝？有從事送貨的港男在網上發文，指私樓的走廊密不透風，相反公屋走廊闊大又通風，令他直言「不得不承認公屋完勝」。帖文隨即引起熱議，網民的反應兩極。

該名港男在連登討論區以「去過無數私樓走廊 不得不承認公屋完勝」為題發文，指私樓的走廊密不透風，「我送親貨等個客開門/落貨都焗到想嘔」，相反公屋走廊則又大又有通風，「去親都好舒服」。

請點擊組圖瀏覽：

該名港男指，私樓的走廊密不透風。資料圖片

他指，公屋走廊則又大又有通風。資料圖片

他直言，「不得不承認公屋完勝」。資料圖片

有人認同樓主的看法，並指「公屋走廊可以踢波」。網頁截圖

有人則認為，「雖然通風係好，但落雨嗰陣成個走廊地下都係雨水」。網頁截圖

相關帖文隨即引起熱議，網民的反應兩極。有人認同樓主的看法，並指「公屋走廊可以踢波」、「公屋啲走廊又闊又光猛」、「我送貨送象山村、華富村呢啲，通風又涼爽，啲公屋客仲有幾廿蚊貼士」、「公居私樓都不時會去嘅我表示，公屋走廊係真係通爽嘅，除非你話走廊有冷氣果啲就好，但好睇運氣，有朋友公屋新啲咩人種年紀都有反而keep到乾淨，有一定樓齡嘅公屋個衛生真係唔講得笑」等。

另外，有人則認為，「雖然通風係好，但落雨嗰陣成個走廊地下都係雨水，然後啲人行過之後成地黑色鞋印仲要跣到X街，又唔會成日有清潔阿姐mon住一污糟就拖」，並指「同埋多數私樓出𨋢行去自己個單位步程頂多10秒，條走廊又唔會好似公屋咁成日有人企喺度煲煙或者拎住罐啤酒吹水」、「政府樓唔洗考慮利潤，私樓逐尺計到盡」等。

樓主在回覆網民留言時則指，「負評嘅人都係不願面對」，並指「私樓淨係等多陣lift都想死，到入咗lift又逼又窄一樣係焗，有啲lift仲要兩邊有廣告」，又指「公屋走廊已經係完美」及「公屋走廊做得好先留到人喺度玩」。

帖文來源：連登討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ