Juicy叮｜呻老婆一喜好致無法買樓 港男：唔使買可能早就上到車

香港樓價高企，市民亦不時大呻上車難。有已婚港男在網上發文指，無法買樓的最大原因是太太的一個喜好。

該名已婚港男在香港討論區以「買唔到樓好大原因係因為老婆」為題發文，指太太喜歡珠寶首飾及名牌手袋，每次紀念日或「過時過節」，「走唔甩一定要送呢啲畀佢」，並直言「每送一次，銀包又肉赤一次」。他又指，不時亦擔心太太會被人打劫或是因冒失而遺失名貴物品，「一唔見就幾千蚊幾萬蚊，就咁就冇咗」，並指太太曾遺失過幾次，「有次佢出完街返到屋企先發現自己隻耳環跌咗，咁樣啲錢又唔見咗啦」。

他亦指，自己感到不解的是太太平日只會落街買餸，送小朋友返學放學，「洗唔洗戴咁多嘢出街？」他續指，太太經常問他為何不買樓，「咁簡單嘅問題都要問？咪就係因為啲錢用晒買呢啲畀佢囉，佢仲要成日整唔見，唔洗買呢啲畀佢嘅話可能早就上到車啦。」

相關帖文隨即引起熱議，有網民表示，「唯有盡量找個樸素啲的老婆」、「你不停買嘢畀老婆去裝扮同小女孩用晒零用錢幫Barbie公仔裝扮有咩分別？無錢係你問題唔係你老婆囉！」、「冇得搞㗎啦，性格問題，出街要落足行頭，你唯有直接同佢講買唔到樓係因為佢洗咗你太多錢」、「你自己縱壞晒有咩好講」、「老婆你自己揀喎，定婚後先知佢愛買名牌？當然都唔少女人唔愛名牌啦，你無揀到啫」、「老公送禮物畀我，基本上都係名牌手袋和首飾。女人就係鍾意靚嘛。不過做老婆都應該睇餸食飯，都係按老公能力去買啦」等。樓主隨後在回覆網民留言時表示，「我就唔介意買嘢畀老婆，但佢會整唔見嗰下先忟，咁貴都唔好好珍惜」。

帖文來源：香港討論區