世界盃2022｜專欄：英軍中場值得留意
2022-11-21 13:30 
今屆賽事B組最受矚目球隊非英格蘭莫屬，選人亦當然備受關注。修夫基毫不猶豫地選了「充滿討論度」的愛將哈利馬古尼，此子討論度高不外乎源自於球場上「突出」表現，甚至有球迷揶揄佢「密密送」。但筆者認為後防綫以外，中場狀態亦都值得大家留意下。
修夫基今屆在挑選球員時同上年歐國盃無乜大改動，四名中場方面，左翼衞勞基梳爾今季狀態及時回勇，但右翼衞首選列斯占士因傷緣盡世界盃，而阿歷山大阿諾特表現攻強守弱，幸好仍然有捷比亞狀態冒升。
兩名中場則由十九歲新星祖迪比寧咸夥拍迪格蘭賴斯，但比寧咸只屬國際賽初哥，而賴斯今季的表現都滑落唔少；在替代選擇方面，加雲菲臘斯加盟曼城後鮮有正選機會，佐敦軒達臣表現亦稍欠說服力，加上占士麥迪臣仍然有傷在身，所以中場球員的狀態係另一個值得大家留意的地方。
經過一年前歐國盃失諸交臂，球迷對英格蘭似乎未有太大期望，以整體實力小組出綫應該無大問題，首仗面對實力一般的伊朗，贏波應該無太大難度，但係要走得更遠就要睇修夫基調整狀態功力了。球樂
立即下載 | 全新《星島頭條》APP : https://bit.ly/3yLrgYZ
關鍵字
最新回應