世界盃2022｜專欄：橙衫軍團首戰食「塞」無難度

今屆世界盃其中一個爭議點係冬季舉行，唔少聯賽都提早開咧，多了一周雙賽嘅情況。面對排山倒海賽程，球員體能消耗極大，受傷風險亦大大提高。部分本來球員因在操練時受傷，最後黯然退隊。

法國隊的賓施馬據報近日在操練時無受隊友干擾之下，拉傷了大腿前肌，要缺陣三星期。呢位應屆金球獎得主已三十四歲，但只於二○一四年踢過世界盃，今次因傷退隊實在非常可惜。所謂「人生有幾多個十年」，四年一次嘅夢想就咁幻滅，何其悲哀啊！

上日艾爾提到今屆較留意荷蘭隊。球隊喺法蘭迪保亞執教時期經歷一段小低潮，但之後雲高爾上台，隨即重現生氣。近十五場賽事不敗，總共入四十三球，火力依然強勁。

荷蘭大軍名單中，唔係好多星級球員，但勝在夠實用。前綫迪比、貝雲積、加普呢啲比較有速度嘅球員，配合三中堅五後衞陣式，打防守反擊非常啱用，右翼衞杜費斯今季於國際米蘭表現亦非常好，新星沙維西蒙斯更加值得期待，如果有埋韋拿杜姆就弗晒喇！同埋對比其他歐洲球隊，荷蘭傷兵唔算多，大部分主力都踢得，陣容上較穩定。踢世界盃呢類大賽，穩定性非常重要。陣中有唔少艾爾幾鍾意嘅球員，希望雲高爾帶領「橙衣軍團」可以走上更高位置喇！

荷蘭分組賽首仗對手塞內加爾，最壞消息一定係沙迪奧文尼退隊，對球隊邊路進攻有好大影響，門將艾度亞文迪今季表現都相當反覆。攻不銳守不穩，對住實力較強嘅荷蘭，相信都難以招架。艾爾今場撐荷蘭半一上盤，入球大細「2.5」大亦可以留意！艾爾

立即下載 | 全新《星島頭條》APP : https://bit.ly/3yLrgYZ