極度俏郎君丨黎彼得跟TVB仲有約轉檔拍ViuTV劇：都冇搵我開工

今日黎彼得（Peter）出席ViuTV新劇《極度俏郎君》開鏡拜神，今年初「通波仔」的Peter精神不俗，他表示身體已回復正常，不會特別要求劇組遷就。問他是否仍會拍TVB劇？他即說：「佢（TVB）都冇搵我開工！」又指仍有一年TVB兼職合約，可以兩邊走。

今年初「通波仔」的Peter精神不俗。

今日黎彼得（Peter）出席ViuTV新劇《極度俏郎君》開鏡拜神。

因為體力問題Peter唔可以同時拍兩套戲。

他透露出院後，曾勵珍沒聯絡他，會否覺得心灰意冷？他說：「冇乜所謂，你情我願。人情不嬲都冷暖㗎啦，由佢啦！自己暖就得。」不過，如果同時拍兩套劇集他坦言身體就頂唔住：「兩組捱更抵夜，年紀大頂唔住，呢啲錢唔係我搵，搵咗都唔夠醫藥費。」

之前Peter拍TVB劇。

另外，有傳獲劉鑾雄幫忙墊支手術費，Peter哥指對方低調，所以不想多提，至於有份幫他的黃宗澤就一直有聯絡，早前更到對方的餐廳食飯。

Peter跟恩人黃宗澤保持聯絡。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ