ERROR唔理講嘢尺度 193抵死叫觀眾掟紙紮公仔上台

2022-11-09 21:20

ERROR下個月就成軍4年，他們今日（9日）為ViuTV新節目《ERROR自爆96小時》宣傳，4位成員被安排入住遊艇4日3夜，紀錄日常一面和分享出道4年來的感受，不過4人一向不理說話尺度，節目又安排於合家歡時段播出，193坦言不怕收投訴，但公司很介意，笑言要靠導演剪走不能出街的說話，ERROR以往在節目中不時被製作組「糟質」，今次雖能避過一劫，但在預告片中見193有落淚場面，肥仔笑指193喊了不下20次，Dee亦指他是4人中喊得最多的一個，193自言是兼具感性和性感，一向是感情豐富又易喊的人。

【點擊睇ERROR抵死發言】：

ERROR 4子為新節目《ERROR自爆96小時》宣傳。

肥仔（梁業）。

Dee（何啟華）。

保錡。

193（郭嘉駿）。

節目預告片中有193有落淚場面。

193話唔怕收投訴。

講笑話要靠導演剪走唔出得街嘅說話。

自稱「ViuTV一哥」。

Dee話佢係4子中喺節目入面喊得最多嘅一個。

保錡。

肥仔扮cute。

肥仔笑指193喺節目喊咗20次。

肥仔想請郭富城做演唱會嘉賓。

193抵死咁叫大家喺演唱會掟金銀元寶上台。

ERROR將於12月舉行演唱會，他們表示未知幾時公開售票，Dee透露到時或者會有網上版，呼籲大家不要買黃牛票。他們現時忙於拍新劇，問到可會無時間準備演唱會？他們即齊聲表示「好鍾意拍劇」，肥仔說：「我有個idea，如果無時間排就係咁請嘉賓。（想邀請誰？）郭富城，我好鍾意佢！」Dee亦在旁邊幫口邀請，笑說：「城哥，肥仔真係超級鍾意你，佢真係好想跟你學跳舞，希望你可以教佢，你拍條片比佢hea佢，佢都會好開心。」講到他們首次開騷有MIRROR做嘉賓，Dee戲言現在看不起他們，193則指很尊重他們每一個。至於他們又可會要求觀眾做好準備？193說：「我哋開騷應該會遲，但觀眾遲到會早走，我們不會超時，公司無錢，或者大家可以帶Bra來。」Dee隨即叫他不要抄人，又呼籲觀眾不要掟任何東西上台，193卻抵死地說：「大家可以掟金銀元寶，大叫燒比你，紙紮公仔要女仔唔要男仔。」認真百無禁忌，不過保錡就以為是「金銀珠寶」，大讚193醒目，場面好笑。