東張西望丨被洗腦幫詐騙集團呃人賺得多變人上人 事主贖身後重遇蛇頭：佢話我自願

《東張西望》昨晚（13日）報導，8月中墮刷單騙局的碩士畢業生Amy（化名）120萬元積蓄化為烏有，但原來案中騙徒、飾演平台客服經理的「Michael」，原來有另一身份，竟是緬柬詐騙集團蛇頭「阿澤」。旅居泰國的L先生（化名）人在異鄉結識到自稱來自香港的「阿澤」，二人一見如故，最後L先生慘被賣豬仔，困於位於緬甸的「星河園區」被逼從事詐騙工作。今晚（14日）《東張西望》繼續播出L先生的訪問，大爆園區內的架構及工作內容，並分享自己逃出生天的經歷。

【相關閱讀】：東張西望丨碩士生墮刷單騙局驚變緬柬賣豬仔案 客服經理原來係蛇頭
【點擊睇L先生逃出生天經歷】：

8月中墮刷單騙局的碩士畢業生Amy（化名）120萬元積蓄化為烏有，但原來案中騙徒、飾演平台客服經理的「Michael」，原來有另一身份，竟是緬柬詐騙集團蛇頭「阿澤」。

觀眾L先生（化名）旅居泰國時結識到自稱來自香港的「阿澤」，L先生最後慘被賣豬仔到緬甸詐騙園區。

L先生指他被困於「星河園區」被逼從事詐騙工作。

L先生更大爆「星河園區」的位置。

L先生指，園區內有兩幢商業大廈樓高3至4層，每層有4至5間公司，L先生是其中一間公司的員工。 ​

L先生透露，園區內的員工基本上年中無休，日做14小時，分為兩更。

L先生指，員工會日日被主管洗腦，指他們要為家人賺更多錢。

L先生指，他加入園區前，入面已經有好多內地人，有啲仲要日日唱洗腦歌認為詐騙是好事。

主管會向員工洗腦，詐騙呃錢都是為了家人。

L先生透露，園區內員工有很多詐騙方式，而且會跟嘲流，好似早排虛擬貨幣多人留意就會用多啲呢個方式呃人。

L先生被安排以聊天軟件或社交網識人再進行詐騙。

L先生會自創一個角色，再於社交網開帳號，分享用網上偷來的照片，再買Like及followers，做到個社交網真的一樣令人放下戒心。

L先生話社交網上的照片大多是偷返來，亦有些是畀錢買相。

L先生會化身不同角色在網上識人聊天再呃人買產品或直接呃錢。

L先生話做詐騙不可以有同情心，在園區內有同情心會交由軍人處置。

L先生被教呃人要呃埋人哋個心，即使被對方揭穿是騙徒，對方仍會心甘情願畀騙徒呃。

L先生話園區內開到單賺到錢就可以做人上人，但因為L先生唔想呃人，一心只想離開。

L先生話員工賺得多分得多，呃到100萬可以抽18%佣、10萬可以抽10%佣、5萬可以抽3%佣。

有啲員工賺到錢變人上人，可以放假吃喝玩樂，賺到唔想走。

有些留咗好耐又賺到錢的員工仲做埋骨幹成員。

L先生話在園區內冇錢可以借，因為入面食住都要錢，但借得多分分鐘還唔到，有排走唔到。

L先生話如果想走就要贖身，集團會連保安同軍人份糧都計埋落佢度。

L先生因為年紀唔細，仲一身病痛，最初要10萬泰銖老闆先肯放佢，最後只畀咗6萬泰銖就走得，L先生仲一度擔心贖身都會畀人呃，被賣去其他園區。

L先生返到泰國仲見到蛇頭「阿澤」周圍呃人，想找對方悔氣，仲畀對方反罵係自願。

L先生最後忠告觀眾，詐騙無孔不入，對你最好的人可能對你心懷不軌。

 

【其他文章】： 

盤點5位親民藝人！周潤發搭港鐵幫襯小店任影唔嬲 另一影帝簽名簽到唔願走

A0陳嘉佳高峰體重達230磅 曾被誤認同性戀者37歲用呢個方法搵伴侶

邱淑貞三位千金罕有同框！18歲沈日愈大愈似媽咪12歲沈晨超可愛

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ