東張西望丨碩士生墮刷單騙局驚變緬柬賣豬仔案 客服經理原來係蛇頭

《東張西望》今年9月報導擁碩士學歷的女士Amy，因墮「刷單購物騙局」被呃120萬元。觀眾陳小姐收看後，再向節目組報料，聲稱認得呃陳小姐的平台客服經理「Michael」帶有馬來西亞口音的聲音，指自己被Michael呃入局，被騙去約20萬元。而L先生提供的資料更牽扯出緬柬詐騙集團的賣豬仔案，L先生大爆「Michael」其實有另一個身份是蛇頭「阿澤」，而且L先生更曾見過「Michael」的真面目。
 

【相關閱讀】：東張西望丨碩士生7小時被呃過百萬 當騙徒係閨密仲想幫人做媒人
【點擊睇刷單騙局如何牽扯出緬柬賣豬仔案】：

《東張西望》於9月時報導擁碩士學歷的女士Amy，因墮「刷單購物騙局」被呃120萬元。 ​

報導中播出Amy與平台客服經理「Michael」的對話，「Michael」自認是馬來西亞華人，觀眾陳小姐收看後，再向節目組報料。

觀眾陳小姐聲稱認得呃她入刷單騙局的「Michael」帶有馬來西亞口音的聲音。

陳小姐話把聲有七、八成似呃她的人。

陳小姐一心打算賺外快，最後畀人呃咗十幾廿萬。

不過最戲劇性的是，因「Michael」把聲出晒街，而牽扯出緬柬詐騙集團的賣豬仔案

L先生大爆「Michael」其實有另一個身份是蛇頭「阿澤」，估計屬緬甸「星河園區」的骨幹成員。

L先生指，本港大部份網上或電話騙局都是由這個園區操縱。

L先生唔止因為「Michael」把聲而認出對方是蛇頭，更因對方的行為露出破綻。

L先生指「Michael」有另一個名叫「阿澤」，份人貪得無厭。

L先生8月時逃出園區，離開前聽閒詐騙集團想擴充業務，要搵2個識英文嘅女人做嘢。

Amy正是於8月中墮入「刷單購物騙局」，過程中她接觸過一位英文好好的平台員工叫「Moon」。

L先生都曾於這個園區內被逼進行詐騙行為。

L先生指園區內有軍隊把守。

L先生透露曾見過「Michael」亦即是蛇頭「阿澤」的真面目。

L先生於2020年到泰國旅居，期間一直靠打散工過活，過得並不開心。

L先生今年3月，於泰國芭堤雅識咗一個叫阿澤的男人。

L先生相信「阿澤」和「Michael」是同一人，自稱是香港人但有馬來西亞口音，連護照上的姓氏英文譯法亦是馬來西亞華人常用的。

L先生因在泰國很久沒有見到香港人，見同「阿澤」同聲同氣，因而一見如故。

L先生與「阿澤」成為朋友，得到對方接濟，又坦言當時幾乎使晒積蓄。

「阿澤」向L先生透露以前喺中港兩地做走私生意。

「阿澤」見L先生好唔掂，仲講笑話本來以為L先生好有錢想呃佢一筆。

「阿澤」得知L先生英文不錯，介紹他一份工作，更與他一同到曼谷見老闆。

L先生指，該老闆稱買咗個盤，可以控制個市，因要做外國人生意，所以請翻譯。

「阿澤」聲稱有啲人可以賺到100萬元，見L先生都50幾歲鼓勵他去搏一搏，L先生因當時冇工返於是就應承咗。 ​

「阿澤」買埋機票畀L先生。

點知L先生落機後去到泰國邊境美索，就被人載咗去荒山野嶺。

L先生以為自己去咗農村，當時已經知道自己似畀人賣豬仔。

L先生原來去咗緬甸中部邊境城鎮苗瓦迪。

L先生去咗星河園區，又指早前被傳媒大肆報導的KK園區都喺附近。

緬甸中部邊境城鎮苗瓦迪。

L先生指，星河園區內外都有軍隊，唔可以隨便出入，入面好似個城寨咁，有購物中心、餐廳及超級市場。

L先生形容他居住的宿舍類似方艙醫院咁。

據L先生聽聞，詐騙集團一年可賺過千億甚至過萬億元。

L先生一日要工作14小時，朝8晚10，工作內容就係呃錢。

L先生獲分配一部電腦、5部電話，要扮演不同身份呃人投資或買嘢。

諗得出的騙案可能都有呢個園區份。

L先生話賺到錢就會好好待遇，開唔到單可能會畀人賣去其他公司，KK園區係最終極嘅園區，出名待遇差。

L先生試過扮男扮女、上市公司主席、女強人身份呃人。

 

【其他文章】：

劉愷威離婚4年被爆有新歡 兩人同失婚仲曾經係楊冪閨密？

港星攻內地市場奇招盡出！視帝吞拳頭扮土豪 女星唱歌走音又甩Beat厚住面皮繼續唱

《愛回家》演員臥虎藏龍！有人係三項鐵人港隊代表 食屎陳師奶係老師！

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ