Juicy叮｜遭業主沒收$5000按金 港男呻笨籲網民交樓留意3點
2022-11-08 20:13 
一名港男在網上發文指，原本在大埔租住村屋，並已在今年8月退租，卻被業主扣起5000元按金。港男指，對方當時稱「要嚟扣返水電等費用」，若沒有問題便會退回餘額，但至今2個半月仍未歸還。
該名港男近日在facebook群組「大埔 TAI PO」以「警世PO：被業主無理扣減按金」為題發文，提到原本在九龍坑租住一間村屋，隨後在8月底退租，並於8月28日將單位交吉給業主。業主在收樓時未有提及屋子有任何問題，並在第二日退回大部分按金，唯獨扣起5000元，並聲稱「因為仲有一期電費未出，要嚟扣返水電等費用」，若沒有問題便會退回餘額。
兩個半月後，樓主再度聯絡業主並查詢按金一事，對方則回覆指，「電費$482，但發現有多處地方要執修，包括二樓房間兩個煙霧感應器，牆身，廁所窗台，冷氣機，地面污漬及地下地台擅自改變物料等，故剩餘$4518我將不退還，以作執修之用」。
請點擊組圖瀏覽：
樓主在帖文中逐一解釋相關問題，包括其中一個煙霧感應器在入住後不久已一直響起，當時感到煩擾而將其拆下，並已隨即通知業主。業主當時回覆指，「Ok，但請你keep住個煙霧感應器唔好掉」。至於牆身問題方面，樓主承認「有上電視嘅入牆釘」，但指「準備咗叫朋友掹返啲釘同批返好幅牆」，但因業主在收樓時未有提出相關問題，所以未有處理。
在廁所窗台方面，樓主則指一直不覺得有破爛，「直至業主畀張圖我先知」，而且對方在交吉時亦未有提出問題，並指自己有購買家居保險，若屬於意外損毀，當時可以透過保險處理。樓主指，至於冷氣機及地面污漬「真係黑人問號」，認為對方在交吉時若有不滿，願意當場清潔好。樓主亦承認自己在原有地磚上鋪設膠地板，若業主在交吉時提出不滿，願意協助處理膠地板及清理膠水跡。
樓主表示，「其實$5000蚊又唔算多，係條氣唔順」，加上已經暫時離開香港，相信要一段時間才可回港處理，「睇怕都係畀佢硬食$5000」。樓主提醒網民在交收時需留意3件事，「唔好好似我咁蠢」，包括「一定一定要簽返好『完全交收同意書』簽返名作實，大家日後唔好再有爭議」、「唔好畀業主用水電費做藉口hold起按金，其實係可以即刻抄錶計價畀埋尾數」、以及「有乜唔啱就當面講清講楚，唔好事後唔滿意先提出」。樓主在回覆網民留言時又指，自己入世未深，「交吉時冇簽名作實係第一錯，留低$5000係第二錯」。
不少網民對於樓主的遭遇亦感到同情，並指「收樓時出聲咪搶唔到你錢囉」、「所以一般退租前用租金當交租....就唔會咁」、「下次呢啲『暫時』扣起真係要講價，預咗佢唔畀」、「希望post可以幫到下一個租客啦。咁呢5k就當做好事囉」等。另有人則認為，「憑樓主一面之詞，這業主固然無情，但租客對牆身釘問題心存僥倖 就冇得怨人，當買個教訓吧」等。
有人則提醒，「其實電費呢啲嘢應該租第一日就要轉晒自己名，可以確保第一同最後一期啲用量全部都係自己，而最後一期單可以叫水電公司寄去其他地址，自己跟單畀番錢就得，你當初有做就唔會發生呢個情況」、「水電最好跟人名(住果個)，交樓如有破損問題即時影低!(下一日有其他人整爛入上手數咩？)」等。
帖文來源：「大埔 TAI PO」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應