Juicy叮｜健身男拒食甜品女友爆喊分手 友人安慰說話令網民錯重點

港男在網上發文，抱怨因為健身需戒口而與女友發生衝突，兩人最終更分手收場，但有同為健身男的友人安慰指，女友是「變大隻嘅阻力」，並指現時不需拍拖，「大家有多啲時間一齊操」。

該名港男日前在連登討論區以「做gym戒口搞到我冇咗條女」為題發文，指自己因身材管理而需要戒口，早前陪同女朋友食甜品時，自己只點了一杯豆漿，女朋友則點了一碗芋圓刨冰，並要求男友「幫手食」。樓主指，自己正在戒糖，「出去陪佢食飯已經cheat（偷食）咗一餐，再食多個甜品真係搞唔掂」，但指「點知佢食食下就開始唔出聲，我都feel到出出哋事」。

港男因為戒口，而拒絕食甜品。示意網圖

在離開甜品店後，女方向樓主表示，「坐喺隔離條女笑佢一個人食咁大盤冰，十足千與千尋入面隻豬咁」。樓主聞言後隨即安慰對方，並指「我一路勸佢話佢咩身形我都冇所謂，反正我都只係care自己大隻，又冇迫佢減肥就我，但佢都係又嬲又喊，最後仲分埋手」。樓主續指，「好彩最後有gym bud（健身朋友）安慰我，佢話條女係bad vibe（負能量），根本係我變大隻嘅阻力，依家唔洗拍拖，大家有多啲時間一齊操。」

相關帖文隨即引起網民熱議，並指「一早要戒gym啦，有錢就有女，畀心機搵錢」、「一星期拍得幾多次拖呀，你自己program設計得好啲咪得囉」、「真，要戒gym」、「好嘅女朋友會支持你做緊嘅嘢」等。另有人則將焦點放在樓主的健身朋友上，並笑言「同gym bud 一齊啦」、「做得尖預左冇女，同尖巴一齊互相鼓勵啦」、「你個gym bud 等咗呢個機會好耐」等。樓主在回覆留言時則指，與該名健身朋友每日亦會見面。

另有網民則認真留言指，認為女方並不愛樓主，並指「我都有差唔多嘅問題，我男朋友唔食海鮮，亦都唔係因為過敏問題，純粹細個被家人帶去食大排檔之類食到肚瀉而怕咗。我就好鍾意食海鮮嘅，但我同男朋友拍拖有4年以上，呢4年入面食海鮮嘅次數好少，連酒都少飲（佢唔飲酒），兩樣嘢都係我鍾意嘅嘢嚟。但呢啲情況下都乜問題，如果佢唔啱食，咪我食，我食唔晒咪打包，一係就要預咗我係食得晒」，並指「所以，一係你前度搵藉口分開，一係根本唔夠愛你。」

帖文來源：連登討論區

 

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ