AK @MIRROR首露面明顯消瘦 認情緒不穩退fans群組
2022-11-04 20:54 
MIRROR成員江𤒹生（AK）、邱傲然（Tiger）、歐錦棠、談言善與鍾舒漫（Sherman）等今日在西貢為ViuTV新劇《打天下2》進行開鏡拜神儀式，今次是AK與Tiger自7月MIRROR演唱會發生嚴重意外後首次公開露面，影相期間，雖然見AK明顯瘦了不少，但他的精神及狀態不錯，且面露微笑，至於Tiger則沒什麼笑容。
【相關閱讀】：《全民造星 V》12月揀男偶像 網民唔buy負評一面倒
【點撃睇《打天下2》開鏡拜神儀式】：
Sherman指今次是首次拍ViuTV的劇集之餘亦是第一次拍長劇，她指最初也擔心拍劇會辛苦，又指劇中各人也是有經驗的演員，自己就像門外漢一樣，不知怎算。Sherman透露自己在劇中飾演一個暗戀歐錦棠的酒吧老板娘，雖然她指不知自己的演技如何，但談善言就即時幫口說：「棠哥話佢係一個被歌手耽誤咗嘅演員。」又大爆Sherman有新花名叫「電漫」，Sherman則解釋因劇情說她要一直偷望棠哥所致，她表示拍攝時也有向談善言偷師，又指自己說話快及性格很急，故演出時需要不斷調整狀態，不過談善言就大讚Sherman 演得好：「佢個角色好爽快，佢亦都有自己嘅演繹，不過因為佢行過有一陣風咁，所以我會叫佢做X-Men。」談善言指上集《打天下》中打得好頻密，雖然這次沒有太多打鬥場面，但就打到死：「啲打戲未拍，要放到最後先拍，我都唔知啲招式會係點，但知道佢（棠哥）會不斷咁挑戰我人體極限。」問到是否怕受傷，她說：「冇得驚，實傷，上一次都搞到啲根腱拉傷，不過上次就冇流血，希望今次都唔會。」
Ak與Tiger在儀式完結後受訪，問到他們是否已收拾好心情工作，AK表示用了這兩個月時間去沉澱事件：「大家都各自用咗自己嘅方法去過呢段時間，相信大家都有不同嘅得着，不論係上堂又好，靜靜地自修又好，各自有自己做嘅嘢，慢慢都喺呢段時間pick up自己嘅心情進入正常嘅生活節奏。」而Tiger則承認這段時間一定有不開心，不過現在有機會工作，能夠見到更多人，反而會令自己感覺舒服一點：「可以同人傾吓計，所以都期待。」AK指10月開始已和Tiger為此劇做準備，兩人亦有傾偈。問到兩人在休息期間，睡眠時是否有發噩夢？AK指沒有發噩夢，但他承認睡眠質素的確不太好，加上胃口亦不好，故瘦了一點：「套劇需要嘅運動量好大，同埋訓練期間都消耗咗好多卡路里，（瘦咗幾多？）瘦咗幾多唔知，但我宜家度得28吋腰，以前有30。劇組都叫我唔好再瘦，因為10月頭fitting嘅褲已經唔啱着。」
對於有指因Makerville在演唱會事件後未有明確的聲明前，已安排MIRROR各成員相繼復工，令他們慘變磨心，AK指12子復工前與公司亦有進行詳細的溝通，大家亦有與公司傾談工作量以及是想在唱歌還是在戲劇方面出發：「大家都有唔同planning，至於磨心方面，我覺得公司好多嘢都講唔到，因為始終呢件事牽涉到好多法律上嘅問題，我知道連公司都未係好方便去講住，因為政府始終未交代到一個完整嘅報道，我哋知道嘅嘢同公司知道嘅其實都差唔多，我哋都等緊個報告，但覺得呢段時間慢慢去進入返個生活節奏，都係一件好事。」Tiger說：「我從來都唔覺得公司龜縮，其實佢哋都好錫我哋，好照顧我哋，但無奈有好多唔係想唔想講，係唔講得嘅問題，所以大家而家都盡可能做好自己要做嘅嘢，做個好人就已經係幫緊件事。」AK又指這兩個月中，無論是大眾又或是自己的家人和朋友，在見面的時候也會關心和問候他們，但因他們所知的並不是很多：「我唯一知道嘅係，當時我哋喺現場，我哋知道件事發生係點樣，我亦都知道公司係盡左最大嘅能力去保護我哋，花姐第三場坐咗喺控制台睇住成個show，呢啲都只係得我哋先至會知道嘅事。」他又透露這段時間有跟其他dancer聯絡，問到他是否有探望阿Mo（李啟言），他則表示自己很想去探望，但因為醫院的條例不能夠那麼多人一起去探望，加上阿Mo身處的並不是普通病房，其家人也想專心照顧阿Mo的關係，所以未有機會，但自己亦有keep住問對方的最新情況，不過他亦指有跟另外兩名受傷的舞蹈員見面。問到可會與阿Mo視訊見面？他說：「我唔知道阿Mo喺病房嘅作息時間，我唔知道我哋可唔可以match到同阿Mo嘅FaceTime時間，呢個要再問公司，睇吓情況點樣，可唔可以再安排。」
AK早前因退出fans群組，令大家很擔心他的情緒，AK亦承認這兩個月內情緒不穩定是事實：「經歷咗咁大件事，我自己都需要去沉澱，至於離開TG group我覺得係一件好小嘅事，我想清理一下自己，我想試吓離開TG group 一段時間， 然後專注返係自己做嘅嘢，同未來想做嘅嘢上，想自己靜一靜，呢個就係我離開嘅最大原因。」
問到是否這段時間有愛情滋潤，AK聽後即很大反應說：「我就係冇呀，大家嘅猜測我都唔知點去解釋。」AK解釋當時自己只是去西貢放狗，麻利是他認識很久的朋友，加上對方住西貢又有養狗，自己對狗的認識也不太多，所以這段時間主要是問麻利和One Promise 鼓手馮卓然如何照顧狗狗：「我10月開工，有啲時間我未必有時間照顧到狗狗，所以有時我可能會搵麻利幫手，而家我同媽咪一齊住，媽咪又唔會幫手。（你同麻利係咪拍拖？）唔係啦，我同佢係一個好好嘅朋友關係。」提到早前他在手臂上紋有「M」，AK表示手上所有的紋身也是關於家人，是「屋企人手臂」，又笑指就算結婚也未必紋上老婆的名字。提到早前有指他們的合約即將到期，而傳出散團傳言，AK説：「仲爭好遠，至於散團，我哋12個都好珍惜大家所擁有嘅嘢，亦都好珍惜公司比到我哋嘅機會，我哋經歷咗咁大件事，其實我哋12個都有一齊去傾，反而12個係比以前更團結。」
【其他文章】：
劉沛蘅拍廣告收入激增至6位數 Tyson Yoshi輕呻女友掉低佢去旅行
阿媽有咗第二個 ｜姜濤柳應廷歸隊謝票 望票房衝破4000萬大關
獨家丨倫永亮讚好MIRROR最欣賞Edan 爆梅姐個唱綵排曾墮台受傷
最新回應