獨家丨倫永亮讚好MIRROR最欣賞Edan 爆梅姐個唱綵排曾墮台受傷

入行36年的音樂大師倫永亮(Anthony)將於本月26及27日，於戲曲中心舉行兩場《倫永亮「我是音樂人？」》音樂會。相隔3年再開Show，Anthony形容係緣份到，加上過去3年受疫情影響，令人變得情緒低落，趁仲有體力就要帶出歡樂。採訪：方騫平 攝影：譚志光 髮型：Jam Ng 化妝：Ellen Tam

65歲Anthony轉眼入行36年。

倫永亮保持年輕心境。

倫永亮好留意時下樂壇動向。 ​

倫永亮要帶出歡樂。 ​

Anthony預先張揚個唱中有一part講音樂人追潮流，會教大家潮語，作為65歲長者的他表示自己潮得起：「我有留意ERROR，睇193(郭嘉駿)做節目主持好有個人風格，講嘢好似有深度；至於MIRROR 12子個個都唔同，見佢哋好團結，有種攝人力量。」他指隊長Lokman（楊樂文）的普通話極之爛，但好好笑，見到佢哋就開心：「我最欣賞Edan(呂爵安)，佢彈琴彈得好好，睇得出好用心學咗好耐。」

倫永亮為個唱已準備就緒。

Anthony趁有氣有力，舉行個唱帶出歡樂。

Anthony見到MIRROR就開心。

最欣賞Edan(呂爵安)，佢彈琴彈得好好，睇得出好用心學咗好耐。

193(郭嘉駿)做節目主持好有個人風格，講嘢好似有深度。

梅姐滿口搞笑歪理
Anthony指香港樂壇好耐冇Super Star，MIRROR的出現好似打咗強心針咁，能幫到本地樂壇。因此，他都有畀錢撲飛支持MIRROR，可惜未有機會睇到，但堅持保留門票靜待佢哋重開演唱會。

倫永亮仍保留MIRROR演唱會門票，靜候他們重上舞台。

倫永亮在樂壇多年，跟合作無間的已故天后梅艷芳、林憶蓮、呂方等好老友，又曾於舞台上跟梅姐共過患難：「當年梅姐喺復出演唱會綵排上曾墮台擦傷，加上機關又多次故障，令佢好upset，直至完成頭場，佢喺升降台下降同我有眼神交流，見佢感動得眼角有滴淚。」Anthony再爆梅姐有搞笑歪理：「佢成日教我做大牌唔好準時，試過約佢錄音，等完佢食晚飯，之後又話肚痛，等咗一晚唔見咗人。佢仲教我『唔識跳舞喺台上就唔好郁，邊個話唱快歌一定要跳舞啫？』」另外，他跟憶蓮有保持聯絡，指對方最愛聽外國地下樂隊，十分前衛，希望她快點返港開騷。

梅姐生前教咗Anthony唔少嘢。

梅姐及張耀榮生前好錫倫永亮。

Anthony好想憶蓮快啲返港開show。

倫永亮同憶蓮保持聯絡。

以前跟葉蒨文、陳潔靈等常合作而成為好友。

Anthony昔日老友呂方及學友都係生女。

2016年Anthony曾跟葉德嫻及趙增熹開show。

Anthony喺個唱中會拆解音樂人生活日常係點，年青時大部份時間都係與彈為伴。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ