Juicy叮｜中二生同阿媽協議做家務賺零用錢惟白做1年 靠自己賺錢亦被沒收

不少學生亦希望可以擁有零用錢，以購買心儀的物品。有中二學生在網上發文，提到自己沒有零用錢，並在一年前與母親協議，透過做家務以賺取零用錢，誰料最終卻「白做」一年，而且自己利用打機所賺取的金錢亦被母親沒收，並直言「我都想好似其他朋友咁買自己中（鍾）意嘅嘢」。

該名中二學生日前向社交媒體「schools.secrets」專頁投稿，提到自己的住所鄰近學校，因此上學不需搭車，亦可回家吃午餐，如果間中希望與同學一同吃午餐，母親則會給錢，但在回家後需要交回收據及餘額，而且一餐只會給40元。樓主指，「自己都想要少少零用錢哪怕一個月50」，因此在一年前向母親詢問何時可得到零用錢。母親則回答，其朋友的女兒要做家務才可獲得零用錢，因此樓主與母親協議透過做家務賺取零用錢，「佢講呢樣野之前我其實都係日日做家務，咁既然佢咁講我都覺得冇咩問題」。其後，樓主如常做家務，並按照協議向母親領取零用錢，沒想到母親卻指「小朋友要咁多錢做咩，唔畀」。

樓主設法自己賺錢，但是所賺取的全部金錢亦被沒收。示意網圖

樓主續指，「最尾講咗一年都係冇俾到」，因此只好設法自己賺錢，「我近期自己養咗啲帳號賺咗幾百蚊咁，我就唔諗住用住所以放喺個支付寶，然後俾佢發現咗」。樓主直言，無法理解為何所賺取的全部金錢亦要被沒收，「我一開始話唔俾，佢就趕我出門口，我先死死地氣畀佢」，並無奈地表示「到底係唔係我問題，我都想要少少零用錢，我都想好似其他朋友咁買自己中意嘅野」。

不少網民同情樓主的遭遇，並留言指「連自己賺嘅錢都唔准自己袋，真係太過分」、「唔畀你都算，仲要收埋你自己賺果份，憑咩啊，咁細個就要你『交家用』？」、「其實真係幾慘下，我一個月都兩千包食同車費」、「自己賺到嘅都要沒收就太離譜，到時你用返呢種照數對佢就可以」等。

另有網民則對相關經歷身同感受，並指，「我以前都係咁同你一模一樣，唯有到15歲尾就嚟16歲嘅時候就走去返part-time，好辛苦㗎，不過賺返嚟嘅錢千祈唔好畀佢知道，第日你阿媽問你拎家用，你一蚊都唔好畀佢，佢今日咁對你，你之後就咁對返佢，以其人之道還治其人之身」、「好慘，我明白，我中學都無零用錢，所以到中三自己出去做pt」、「之前我中二個時屋企人都係畀得食飯錢，但其實你食咗餐飯都所剩無己，基本上係好難儲到錢」等。

帖文來源：「schools.secrets」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ