Juicy叮｜打工仔斥年輕一輩不懂職場規矩 反遭批評階級觀念重

職場規矩會隨着公司及時代要有所不同。有打工仔在網上發文，批評年輕一輩不懂職場規矩，亦沒有基本禮貌，卻反被網民批評階級觀念太重。

該名打工仔日前向Facebook專頁「奴工處」投稿，指近年的年輕一輩愈來愈不懂得職場規矩，包括在新年期間，老闆或部門主管派利是時，年輕員工亦會坐在座位上收利是，而且「去水機斟水唔識讓senior先」。該名打工仔又舉例指，在開會時，老闆還未坐下，職位較低的員工已隨即坐下，並指當老闆走近談論公事時，「你班做細嘅就坐喺度聽，唔知仲以為你哋係老闆」，直斥「香港真係一代不如一代，好基本嘅禮貌都冇晒」。

相關帖文隨即引起熱議，有網民直言「一間階級觀念咁重嘅公司唔適合新人/年輕人入去做，最好全部都老屎忽坐到退休」、「日本職場啱曬佢」、「筆者仲停留系198x年」、「斟水都要分先後？？咩年代？」等。有人則指，「同意收利是唔應該坐喺度，禮貌上應該企起身雙手接，但其他就唔認同」、「坐喺度收利是又好似唔係咁好，禮貌上應該都企一企身雙手接，不論老闆定朋友俾，其他『規矩』反而唔係咁重要」。另外，有人則認為，「時代在變，香港在變，人亦都變，我哋無謂再回頭看。職場規矩，每間公司唔同，無謂執著」、「咁職場有冇與時並進先？仲要而家咁難請人」等。

帖文來源：「奴工處」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ