Juicy叮｜批蛋包飯食水深 網民：成本不需$10收$80

不少人亦喜歡日式蛋包飯，不過有網民近日則發文指，蛋包飯「食水深」，認為製作蛋包飯的成本不需10元，但餐廳的售價卻是80元。

該名網民近日在連登討論區以「成本論嚟計 蛋包飯算唔算食水最深嘅菜式？」為題發文，指「畀盡你4隻蛋 ，每隻$0.5 x 4 = 2蚊；飯：畀盡5蚊，汁：畀盡1蚊」，認為「一個蛋包飯成本10蚊唔洗，收你80蚊不等。」

相關帖文引起熱議，部分人認同樓主的想法，並指「成本嚟講同茶記50蚊炒飯冇分別」、「香港地無咩食肆唔食水深」等。有人則指出「鋪租、人工、加工費，差唔多啦」、「睇你邊度食啦」、「我依家畀料畀廚房你煮，煮唔煮到呀？都未計電費水費煤氣費人工租金」、「有咩唔係食水深？星洲炒米咪係味精米粉，乾燒伊麵咪係冬菇伊麵，點解咁貴，因為你煮唔到囉。炒飯識唔識，拋鑊識唔識」等。

另有人則認為「睇下有咩餡同包成點啦，手勢好ok嘅」、「日本個（嗰）啲真係手藝嚟，𠝹開嗰下真係有食慾，香港煎層熟晒嘅蛋放面個啲就係芙蓉蛋飯走饀鋪面，不得不讚雞蛋真係一樣好高深嘅食材」等。另有網民則關注樓主所指的成本金額，並指「湖北蛋都唔止五毫子隻啦」、「認真問，邊度蛋$0.5隻咁平」、「香港湖北蛋批發都要$1」等。

帖文來源：連登討論區

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ