獨家丨林鈺洧慘被封性女唔開心被插冇資格做港姐澄清分享性史劇情需要

2022-10-26 07:00

今年港姐冠軍林鈺洧（Denice）、亞軍許子萱（Cecca）及季軍梁超怡(Joey)，當選前後都勁多新聞，分別被封為「性女港姐」及「紋身港姐」的Denice及Joey，最嬲被質疑當選資格；Cecca亦介意被鬧個樣太有自信，三人揚言會做好自己，亦最想為慈善出力，之後嘗試演戲。採訪：方騫平攝影：羅安強

亞軍許子萱(左起)、冠軍林鈺洧、季軍梁超怡對演戲都好有興趣。

三人對拍戲感興趣。

今年出爐港姐話題不絕。

Denice不斷被翻舊帳。

Cecca自信心十足。

Joey堅持紋身唔係壞女人。

今年港姐話題性十足，作為80年代靚仔小生林俊賢女兒的Denice，揚言冇嬲過爸爸，仲想以「兄妹檔」合演劇集。本周日，林俊賢62歲生日，她都有發短訊祝賀。她搞笑地說：「好多人話我似爸爸，似佢戴咗個假髮，咁我係佢個女，唔似佢就奇怪啦，𠵱家唔使驗DNA。」至於Cecca被指是女版AK(江𤒹生)，她睇相都話有啲似，想見吓真人，仲唔怕得罪「生粉」（AK fans暱稱），霸氣回應：「唔好話我哋生得似，話我哋夫妻相好啲。」

今年港姐順利誕生。

Denice想同老竇合作拍戲。

林鈺洧有留言向爸爸祝壽。

Cecca被指同AK撞樣，她笑言呢啲叫夫妻相。

被讚有氣質開心晒

參選以來，Denice不斷被翻舊帳，最唔開心指她不符合做香港小姐，好彩都有人讚她有氣質，即刻開心返晒！她更乘機澄清，之前上的ViuTV星座節目《對號入座》，所講內容不盡不實，事前大家夾過稿話有5個男友，實質她只得3個，所以叫大家唔好咁上心：「我係配合返個角色做嘢啫，𠵱家做港姐梗係要斯文返啦，每個工作、每個演出機會都係一個經驗嚟，從中學到好多嘢，相信時間可以沖淡一切，會令人對自己改觀。」

當日亮相ViuTV星座節目談性只係為咗工作，Denice唔會後悔。

Denice強調作風唔算豪放，27歲只有3個男友唔算多。

Denice未打算搬大屋，現租住兩房單位，同1貓1狗同居。

童年Denice經已好識得擺甫士影相。

Cecca保持真性情

Cecca最開心獲讚口材好；相反都有人唔鍾意她一臉自信，她說：「呢啲流言蜚語對我冇任何影響，我個人就係咁，預咗有幾多人鍾意你，就會有幾多人唔鍾意你。」對於當選亞軍一刻被指黑面，問到是否要學習情緒管理？她坦言有啲失望，但堅持要保持真性情，要做娛樂圈嘅一股清泉，堅持EQ OK。另外，Cecca唔覺得答問題環節失分，就算再答多次亦一樣：「曾生(曾志偉)話我擦評判鞋只係講笑，我唔覺係擦鞋。」

Cecca最開心獲讚口材好。

Cecca於決賽答問環節，被曾志偉取笑她擦評判鞋。

Cecca當選亞軍一刻被指黑面，坦言對賽果失望。

小時候嘅Cecca眉清目秀。

Joey打算剷走紋身

Joey獲讚笑容甜美最歡喜，但因有紋身被指唔應該當選港姐，她辯解說：「其實喺外國紋身經已成為藝術，我係為紀念已故朋友而紋，同感情冇關，亦有啲係鼓勵自己，而且呢啲嘢只屬外表，唔代表內在，我會用表現嚟證明實力。」不過，Joey坦言打算剷走紋身：「將來拍嘢時間緊迫，唔想麻煩化妝師。」另外，Denice想成為女版周潤發，就算事業有成都過住簡單低調生活；Cecca仰慕同奪亞軍的大師姐張曼玉，可以拍到好多經典作品；Joey就想成為季軍代表余詩曼，皆因對方樣子甜美，又可以駕馭唔同角色。