独家丨林钰洧惨被封性女唔开心被插冇资格做港姐澄清分享性史剧情需要

2022-10-26 07:00

今年港姐冠军林钰洧（Denice）、亚军许子萱（Cecca）及季军梁超怡(Joey)，当选前后都劲多新闻，分别被封为「性女港姐」及「纹身港姐」的Denice及Joey，最嬲被质疑当选资格；Cecca亦介意被闹个样太有自信，三人扬言会做好自己，亦最想为慈善出力，之后尝试演戏。采访：方骞平摄影：罗安强

亚军许子萱(左起)、冠军林钰洧、季军梁超怡对演戏都好有兴趣。

三人对拍戏感兴趣。

今年出炉港姐话题不绝。

Denice不断被翻旧帐。

Cecca自信心十足。

Joey坚持纹身唔系坏女人。

今年港姐话题性十足，作为80年代靓仔小生林俊贤女儿的Denice，扬言冇嬲过爸爸，仲想以「兄妹档」合演剧集。本周日，林俊贤62岁生日，她都有发短讯祝贺。她搞笑地说：「好多人话我似爸爸，似佢戴咗个假发，咁我系佢个女，唔似佢就奇怪啦，𠵱家唔使验DNA。」至于Cecca被指是女版AK(江𤒹生)，她睇相都话有啲似，想见吓真人，仲唔怕得罪「生粉」（AK fans昵称），霸气回应：「唔好话我哋生得似，话我哋夫妻相好啲。」

今年港姐顺利诞生。

Denice想同老窦合作拍戏。

林钰洧有留言向爸爸祝寿。

Cecca被指同AK撞样，她笑言呢啲叫夫妻相。

被赞有气质开心晒

参选以来，Denice不断被翻旧帐，最唔开心指她不符合做香港小姐，好彩都有人赞她有气质，即刻开心返晒！她更乘机澄清，之前上的ViuTV星座节目《对号入座》，所讲内容不尽不实，事前大家夹过稿话有5个男友，实质她只得3个，所以叫大家唔好咁上心：「我系配合返个角色做嘢啫，𠵱家做港姐梗系要斯文返啦，每个工作、每个演出机会都系一个经验嚟，从中学到好多嘢，相信时间可以冲淡一切，会令人对自己改观。」

当日亮相ViuTV星座节目谈性只系为咗工作，Denice唔会后悔。

Denice强调作风唔算豪放，27岁只有3个男友唔算多。

Denice未打算搬大屋，现租住两房单位，同1猫1狗同居。

童年Denice经已好识得摆甫士影相。

Cecca保持真性情

Cecca最开心获赞口材好；相反都有人唔锺意她一脸自信，她说：「呢啲流言蜚语对我冇任何影响，我个人就系咁，预咗有几多人锺意你，就会有几多人唔锺意你。」对于当选亚军一刻被指黑面，问到是否要学习情绪管理？她坦言有啲失望，但坚持要保持真性情，要做娱乐圈嘅一股清泉，坚持EQ OK。另外，Cecca唔觉得答问题环节失分，就算再答多次亦一样：「曾生(曾志伟)话我擦评判鞋只系讲笑，我唔觉系擦鞋。」

Cecca最开心获赞口材好。

Cecca于决赛答问环节，被曾志伟取笑她擦评判鞋。

Cecca当选亚军一刻被指黑面，坦言对赛果失望。

小时候嘅Cecca眉清目秀。

Joey打算铲走纹身

Joey获赞笑容甜美最欢喜，但因有纹身被指唔应该当选港姐，她辩解说：「其实喺外国纹身经已成为艺术，我系为纪念已故朋友而纹，同感情冇关，亦有啲系鼓励自己，而且呢啲嘢只属外表，唔代表内在，我会用表现嚟证明实力。」不过，Joey坦言打算铲走纹身：「将来拍嘢时间紧迫，唔想麻烦化妆师。」另外，Denice想成为女版周润发，就算事业有成都过住简单低调生活；Cecca仰慕同夺亚军的大师姐张曼玉，可以拍到好多经典作品；Joey就想成为季军代表余诗曼，皆因对方样子甜美，又可以驾驭唔同角色。