黃子華聞鄭裕玲離巢勁想再合作 三句回應被蔡楓華寸唔識做戲
2022-10-22 19:15 
黃子華、鄧麗欣、林明禎、張繼聰、王菀之（Ivana）及陳湛文等今日（22日）到元朗出席電影《飯戲攻心》公開答謝大會，戲中一眾演員首次齊人現身，吸引數百人圍觀。活動上，除了讀出fans寫給演員的書外，亦宣佈電影票房已衝破6,800萬，鄧麗欣笑言已找數，叫現場男士有表示，黃子華及張繼聰笑指會晒遠距離泳褲相，王菀之也説會影Out focus泳褲相。另外，大會亦為將於10月24日40歲生日的陳湛文送上蛋糕，而他的生日願望則是希望電影票房衝破一億。
【相關閱讀】：鄭裕玲確認離巢TVB 效力44年早已想「唔續約」：3年疫情有改變
【點擊睇《飯戲攻心》公開答謝大會現場相】：
與《明日戰記》打對台做宣傳
對於票房報捷，黃子華於受訪時表現得非常興奮，他指雖然現時票房排第二，但他認為《飯戲攻心》的製作費，可能是香港電影史上票房最高50位中最經濟的第一位：「我哋用咗一般受歡迎嘅卡士， 其他電影都係超級巨星， 我覺得因為咁樣，但係比香港做電影嘅人好大希望，我哋都得，用心嘅老闆應該可以再創高峰。」黃子華又笑指無論做什麼，最重要的也是「經濟」，提到與古天樂主演的《明日戰記》同樣有好成績，黃子華笑説：「我哋而家最希望贏到古仔。」而張繼聰即笑指兩套電影都是由古天樂投資，所以現時在只是在旁食花生，看「古仔大戰古仔」， 問到今天是否刻意打對台做宣傳，黃子華說：「你問返古仔，如果有第三部電影想加入嚟（競爭），相信都係古仔。」至於是否希望《飯氣攻心》與《明日戰記》是否會一同搞慶功，黃子華即表示好，更大爆古仔的利是很大封：「我試過有一年成班人喺度賀年，古天樂啱啱去完慶功，佢一坐低，佢嗰嚿錢好似打劫完銀行咁，係派肘，所以我希望佢同我哋慶功。」
提到鄭裕玲（Do姐）宣佈離開無綫，問黃子華會否想與Do姐再合作，他說：「非常之想，因為我肯定鄭裕玲唔會做啲委屈自己嘅嘢，佢一定唔會做啲好舒服又質素高嘅嘢，我好樂意掹吓車邊。」另外，對於蔡楓華舉行演唱會期間，突然指黃子華與徐子珊拍談情戲時，手部似機械人，暗寸他不懂做戲，黃子華聽後即笑言：「多謝佢竟然留意到我，我都唔記得咗，我會返去檢討。」
林明禎：鄧麗欣泳照超水準
另外，問到林明禎會否像鄧麗欣一樣貼泳衣相找數時，她笑指會學張繼聰一樣影遠距離泳衣照，而鄧麗欣聽後即指不行，要林明禎要拍近照，但林明禎就認為鄧麗欣的泳衣照超水準，要超越很有難度，更即時以廣東話說：「太犀利，好犀利！」問到鄧麗欣之後是否會在貼一些更性感的照片，她笑説：「我已經盡咗，其他交俾5位，要分擔吓。」問到她們想不想挑戰古天樂的《明日戰機》爭票房第一，三人聽後即擰頭，王菀之更認輸說：「最好啱啱爭距一、兩張飛。」鄧麗欣指看到現時香港電影能一起百花齊放的感覺很好：「除咗我哋呢兩部電影，仲有好多香港電影好值得我哋支持，港產片票房咁好，都覺得好開心！」
【其他文章】：
盤點圈中最靚微胖女！TVB花旦臉圓甜笑電死人 兩大咪神上圍豐滿骨架大
鄭裕玲離巢TVB｜叫Dodo原來同個鐘有關 從小立志做新聞主播因經濟問題棄追夢
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應