鄭裕玲確認離巢TVB 效力44年早已想「唔續約」：3年疫情有改變
2022-10-21 15:54 
早前傳出65歲鄭裕玲（Do姐）離巢效力44年的無綫，正式結束與無綫多年賓主關係，不少人猜測她是否有意退休。今日（21日）鄭裕玲如常回商台為電台節目《口水多過浪花》開咪，更早已預告將於節目中回應離巢無綫一事。鄭裕玲於節目中一開場就承認與無綫已結束44年賓主關係，但強調雙方沒有鬧得不高興：「只係3年疫情，對大家唔多唔少心態上有啲改變，想試下自由身係點，將來有適合的工作都可以再合作。身邊呢幾年有好多人pass away（逝世），我又有好多嘢想做，因為合約又唔做得覺得好可惜。」鄭裕玲直認疫情前早已有意想離巢無綫，但疫情期間此感覺更加強烈。
【相關閱讀】：
鄭裕玲傳離巢｜與周潤發拍檔躍升一線花旦 TVB收視福將《男親女愛》破紀錄
【點擊睇鄭裕玲詳細回應離巢無綫】：
鄭裕玲：新冠疫情改變心態
鄭裕玲於節目中表示，疫情下想去旅行放鬆都難，又透露原來多年來外遊大部份都是為了工作，很少有為自己想放鬆而去的行程。即使想去旅行，亦因為有合約責任，難去較長的旅程放鬆。不過鄭裕玲現時仍會做電台節目，而且做足星期一至五，但她認為做電台主持與效力無綫有不同，「我好鍾意做訪問，同埋電台（主持）有4個人，去旅行都有人繼續開咪，而且疫情都3年，想放假都係應該。而且做電台簡單啲，又唔使出樣。」
鄭裕玲強調與無綫「和平分手」
為無綫效力44年，鄭裕玲直認無綫對她好好，「我話有啲咩工作唔適合都可以唔做，但我好想試吓自由身感覺係點，有好多嘢想試，又因為合約做唔到。」又強調離巢並非跟任何人鬧得不開心，又指提出離巢時，與高層商量都非常和平，她表示將來有任何節目只要她認為適合她都可以再合作，只是不會再與任何公司簽長約，但表示會繼續工作，並非退休。鄭裕玲更公開請大家可以找她工作：「會繼續做嘢，好多嘢未試過，唔排除同任何公司合作，有咩工作搵都可以DM我。（拍戲都得？）咩都可以傾。（演唱會都得？）呢樣唔好喇！」另外又提及在無綫工作44年沒有遺憾，想此公司想做的工作幾乎都做過，回憶美好而且開心。她亦坦言有不捨，「好多工作人員，合作過嘅藝員同事（都有不捨），但又唔係永遠唔見面，有合作都會返去。」她表示對於這個決定考慮了很久，亦有跟助手商量，最後亦決定離開無綫，「天下無不散之筵席，Timing啱（離巢），冇唔開心，喺TVB咁耐，總有開心唔開心日子，唔會導致因為咁而離開。」
鄭裕玲：有好多嘢想做
最後其餘幾位主持都想知，明年1月1日會否在叱咤樂壇頒獎禮上見到鄭裕玲呢？鄭裕玲沒有排除這個可能性，坦言之前因為合約問題較少在其他平台亮相。但其他主持都擔心一向早睡早起的鄭裕玲會因為頒獎禮太長而拒絕出席，鄭裕玲表示：「我可以瞓咗晏教先去！」對於鄭裕玲回復自由身，是否立即想起行外遊，鄭裕玲表示有意外遊，但因為仍在等待「0+0」，即使外遊都只會去短線旅遊。
【其他文章】：
鄭裕玲傳離巢｜與周潤發拍檔躍升一線花旦 TVB收視福將《男親女愛》破紀錄
最新回應