西裝男爆粗喪鬧小巴司機4分鐘僅為一件事 乘客忍唔住幫拖：你愈鬧愈過份

近日網上流出一段小巴車cam片，片中一名女乘客上車嘟八達通後搵位，卻錯過最後一個座位，尾隨的四眼西裝男上車卻「遲來先上岸」，找到最前排的座位。小巴司機好言相勸，要求西裝男落車讓出座位，豈料西裝男頓時發爛渣聲稱「自己上車先」，更全程失控以粗口狂鬧小巴司機4分鐘，最後一名正義男乘客不禁大喝：「你愈鬧愈過份喎」。雖然西裝男一度收斂，但之後仍然喋喋不休，仍然覺得自己無錯，最後落車時司機僅語氣平淡回答：「講粗口鬧人仲唔係人身攻擊？真係難為你打條呔着件裇衫呀」

●點擊睇事發經過●

藍衫女乘客上車拍八達通然後走到車廂後面搵位。網上截圖

此時西裝男上車搵位。網上片段截圖

西裝男找到前排近窗座位。網上片段截圖

先上車女乘客回頭上前查看，但已無位。網上截圖

司機要求西裝男落車。網上截圖

西裝男不肯下車，司機只好叫女乘客「企一陣」。網上截圖

有關短片分為上下兩集，長約7分鐘，攝於9月30日早上8時40分。影片開頭，一名女子上小巴先拍八達通付款，然後走到車廂後面搵位，其後尾隨的四眼西裝男上車，眼利發現前排有最後一個座位，遂捷足先登地一股勁坐在該位置上。小巴司機向西裝男表示：「你落返去，佢（女乘客）畀咗錢，佢嘟咗（八達通），你未嘟嘛！緊係畀嘟嗰個坐先啦！」西裝男卻破口大罵，指自己先上車，亦沒有起身落車，司機無奈關門開車，並向女乘客說「你企陣啦！」

西裝男開始情緒失控多次爆粗辱罵司機，「我啱啱企喺呢度，你竟然話嗰個阿姐先？你係咪痴X線？」、「佢（女乘客）排我後面，你話嗰個阿姐先？唔Ｘ係呀嘛！你冇腦呀！」西裝男其後更舉起手機拍下司機證，而司機亦落落大方指「影吖，影吖」。

此時，司機問西裝男「你嘟咗（八達通）未呀？頭先問你畀咗錢未，你而家先俾？」，西裝男竟再次以粗口辱罵司機，「趕住返工，Ｘ你老母，正Ｘ街！」隨即晦氣地將散銀掟入錢箱，又繼續粗口橫飛：「你冇Ｘ錢？正Ｘ街，Ｘ你老母！」一名坐在後座的黑衣男乘客看在眼內，忍不住出口大喝，「好囉喎，愈鬧愈過份！」小巴司機亦忍不住出口：「師兄，你做吓證人，唔該你。唉，一路咁鬧落去，我都冇（出）聲！」

●繼續睇事發經過●

有女乘客下車，站着的女乘客才有位。網上截圖

西裝男一直破口大罵小巴司機。網上片段截圖

西裝男起身用手機拍下司機證。網上片段截圖

司機叫他拍卡付車費，他仍不斷辱罵司機，最後取出零錢掟落錢箱。網上截圖

坐在後方位置的男乘客向西裝男收聲。網上片段截圖

西裝男雖然一度收聲，但未幾又再喋喋不休。網上片段截圖

西裝男雖然頓時收聲，但未幾又再喋喋不休，仍然覺得自己無錯，「你用下個腦啦，咁真係離譜呀嘛，明明我上嚟先」。司機一直「沉着應戰」，未有與西裝男發生口角，最後僅在西裝男落車時，語氣平淡表示：「講粗口鬧人仲唔係人身攻擊？真係難為你打條呔着件裇衫呀」。

網民看片後紛紛留言指有人欺善怕惡，又讚司機處理得不錯。「嘩，我隔著個mon聽到佢都發火！小巴司機嘅智商一級水平！ 讚！讚！讚！」，「愈來愈多呢啲Ｘ街，以為乘客大晒，欺善怕惡，好彩黑衫大哥出聲，個屎忽鬼即收皮。」、「有片為証（證），個女士是在男士前面上車先，而且已拍卡，而個男士沒拍片（卡），違反上車先拍卡規定，可以返告佢毁謗」，「正宗欺善怕惡，如果無個男人喝止佢，佢會愈罵愈得戚。」又有網民大讚「真係要高度讚揚呢位司機大哥 EQ十分高，俾呢一位着西裝唔係好人既傻仔，係咁挑釁都冇影響佢駕駛情緒，司機大哥做得好！」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ