免針紙｜2萬豁免書續有效食肆負責人憂其真偽：唔知係咪合法拎返嚟

2022-10-21 21:30

「長洲覆核王」郭卓堅早前提出司法覆核，質疑政府宣佈逾2萬張「免針紙」失效屬濫權。法官高浩文昨日（20日）聽畢郭卓堅及政府雙方陳詞，今日（21日）頒布書面判詞，指政府無權廢除涉案免針紙，換言之涉案免針紙繼續保持有效。有食肆負責人認為，雖然現時法庭已經頒令，但若見到食客手持「免針紙」入內，都會擔心其真偽。

相關新聞：免針紙覆核｜官裁定局長無權不承認郭卓堅勝訴政府需支付訟費

市民馮女士指若見到食客手持「免針紙」入內，都會擔心其真偽。

謝小姐覺得食客若手持「免針紙」入內可能會較混亂。

市民馮女士於佐敦經營食肆，她指自己一直做街坊生意，未見過有食客持「免針紙」入內食飯，若食客未能出示「安心出行」或「疫苗通行證」，都會要他們買外賣，不能堂食。她坦言日後若見到有人手持「免針紙」入內食飯，都會疑惑其「免針紙」是否合法取得，「我都唔知點搞，如果見到嗰個人拎免針紙，都會諗係咪醫生開畀佢，定係唔合法拎返嚟，都擔心嘅都唔知佢有冇事」。

另外，同樣於佐敦經營食肆的負責人謝小姐指，自政府推出「安心出行」及「疫苗通行證」以來，所有顧客進入餐廳前都會乖乖按指示掃碼，從未有食客手持「免針紙」入內食飯，「係初時有啲老人家拎張免針紙嚟，但後來都無......講真唔打針都唔落嚟食飯啦，如果遲啲啲人拎免針紙嚟就比較混亂」。