李家鼎細仔李泳豪宣布結婚娶台灣嬌妻鼎爺爆家嫂秘聞：有潔癖

2022-10-21 11:30

李家鼎42歲細仔李泳豪8月宣佈將會於拍拖兩年的台灣女友Agnes拉埋天窗，昨日二人舉行簡單而隆重的婚禮，一對新人在鏡頭面前大放閃光彈，數度在鏡頭前咀嘴。一班《愛．回家》演員，湯盈盈、呂慧儀、鍾志光、單立文等現身祝賀，更在訪問時輪流催李泳豪生仔。

【點擊睇李泳豪娶老婆】：

李泳豪8月宣佈娶台灣女友Agnes，昨日終於拉埋天窗。

李泳豪非常愛錫老婆，不時在社交網放閃光彈。

上月Agnes生日，小倆口當年有慶祝。

Agnes任職寵物美容，李泳豪大讚老婆好細心。

李泳豪昨日舉行婚禮，迎娶台灣女友Agnes，現場佈置簡單溫馨。

兩人交換戒指，李泳豪全程笑到合唔埋口。

交換完戒指，兩人嘴對嘴錫錫。

李家鼎捉實李泳豪錫埋一份，仲要錫得好肉緊！

《愛．回家之開心速遞》一班演員都有出席李泳豪婚禮，還起哄要二人在鏡頭面前咀嘴。

大家都着上紫色衫出席李泳豪婚禮。

湯盈盈、呂慧儀、鍾志光受訪都催李泳豪生仔。

單立文就寄語一對新人：「愛是恆久忍耐。」

提到新婚造人計劃，李泳豪直說：「坦言：「有，不嬲都有，進行緊，努力緊。」他還表示目標生兩個：「仔女都冇所謂。」並在鏡頭前向老婆許下承諾：「餘生我一定好好照顧佢，一心一意對佢一個，總之佢乜嘢都關我事。」

Agnes就大爆老爺李家鼎對她很溫柔：「他就是一個很慈祥的父親，最常聊煮東西，還有台灣老一輩的歌星，因為他在我很小的時候，他在台灣拍過一段時間戲，所以他很喜歡某幾位台灣歌手，他也會唱台語歌給我聽，唱歌《愛拼才會贏》、《家後》。」

至於再做老爺的李家鼎，受訪是顯得非常雀躍：「做父母望子孫有咁嘅日子，做長輩嘅了咗份心願。大仔已經畀咗兩個孫我抱，希望呢個仔都快啲整返個畀我抱。」

Agnes受訪時大讚老公李泳豪：「絕對是100分，包含他做人的態度，他很誠懇，性格也很踏實，做事情很努力，還有一點最棒的地方，他對家庭觀念很有責任感。」而李泳豪讚老婆細心外，亦說：「我鍾意佢率直，佢都好踏實，一就一、二就二，佢唔會轉彎，喺佢身上都學到好多做嘢嘅細節。佢對我嚟講係200分。」

至於再做老爺的李家鼎，受訪是顯得非常雀躍：「做父母望子孫有咁嘅日子，做長輩嘅了咗份心願。大仔已經畀咗兩個孫我抱，希望呢個仔都快啲整返個畀我抱。」至於想要孫仔或孫女，鼎爺說：「自己生嘅，千祈唔好分仔女。」鼎爺對新抱非常滿意，不過大爆秘密：「佢打理頭家都幾乾淨，可能因為佢做寵物美容，不過佢都有啲潔癖，成日捉住我搓手、抹手，我隻手爛喇，哈哈。」

【其他文章】：

盤點女星剪髮「炒車」慘況！港姐冠軍剪男人頭慘被轟又肥又腫靚女主播剪齊蔭減齡變加齡？

周柏豪北上拍綜藝扮女人出奇地靚女綠眼影粉紅嘴超紅腮紅單眼放電

網民封呢位女神係港產片史上最靚影星連林青霞王祖賢都輸畀佢？

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字