下流上車族丨林敏驄與鮑起靜對鬧戲勁催淚 分半鐘由暴怒變悲憤搞喊連登仔
2022-10-20 13:30 
TVB台慶劇《下流上車族》已於周一（17日）首播，今次找來首度拍劇的林敏驄處男下海，與江美儀、鮑起靜、郭柏妍、羅毓儀、鄧智堅和袁文傑等人演出，為了圓上車夢，一家用盡下流手段，結果搞到笑料百出。對於自己的第一張拍劇成績表，他當然覺得緊張，連日來不時在社交平台出PO報喜！
【點擊睇林敏驄演出有幾精采】：
第三集《下流上車族》由林敏驄與鮑起靜上演了一幕爭神主牌的戲份，當中二人由最初爭持不下破口大罵，而林敏驄則一改平常搞笑的作風，最後悲憤地說了一句：「我乜都唔使知！我淨係知你擺我老竇低過隻狗！你好唔想見到佢！我而家攞走佢唔使你眼冤！得唔得吖！」說話時更略太嗓音，連登仔都不禁大讚睇到眼濕濕！
今日阿驄又在社交平台一口氣貼了多張截圖，原來連登討論區亦有人開po讚好睇，他興奮留言：「#連燈仔兜話好睇 #就真懈巧巧睇#塞貨!!!#電視撈飯番泥啦 #贏Xshy !!!」接有網民留言稱因為阿驄才追劇，還有人說：「估唔到你咁好戲，以為搞笑，點知咁感性」、「估唔到你認真感情戲有料到，講真唔多拍劇嘅你可以咁入戲，角色處理好好，本來諗住睇一、兩集就算，而家無計喇！」
當然還有人讚與阿驄做對手的鄧智堅好戲：「演員唔使多， 有心有才重要，聰爺個friend（鄧智堅）都做得好好」、「阿聰哥你同呢條友(鄧智堅)間戲！好有戲味喎！有來有往，終於等咗咁耐TVB有一套係睇得吓嘅劇，今日最尾嗰個鏡頭你喺餐廳跑出嚟，之後起咗一生何求首歌我喊咗！貼地！」
《下流上車族》播映兩日，第一集收視更高開23.2點，比上周一（10日）同時段播映的《夢華錄》躍升5個收視點，是自今年4月政府放寬堂食以來，兩線劇首播最高收視劇集，而第二集的收視亦有上升，有23.7點，在首播的第二日，阿驄在FB自爆與TVB幕後人員對話截圖，內容估計《下流上車族》首集收視有23.2點，比起TVB兩大王牌《東張西望》同《愛．回家之開心速遞》更高，幕後更加話《下》收視「高到冇人信」，阿驄就更加豪言要劇集收視過30點！
本來車志明一角最初是姜皓文擔任，不過因與電影檔期撞上，姜皓文唯有忍痛放棄《下流》，結果在曾志偉的邀請下，找來阿驄演出，對於「執二攤」一事，阿驄一點都不介意，還稱自己擔任電影導演時，一個角色會準備五個演員作準備，隨時頂上，同時又笑指，如果「黑仔做咪黑啲，我做咪好笑啲！」
【其他閱讀】
吳業坤與日籍新聞之花太太婚紗相曝光 老婆著低胸碎花白紗海邊留影靚到絕
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應