下流上車族丨林敏驄為處男作連主題曲都唱埋 郭柏妍羅毓儀女僕Look去打工

由林敏驄、江美儀、鮑起靜、郭柏妍和袁文傑主演的台慶劇《下流上車族》，將緊接《夢華錄》在本月17日晚八點半播映，今次是「鬼才」林敏驄（阿驄）首部處男劇，他將聯同飾演其太太的江美儀與兩位女兒郭柏妍、羅毓儀演盡港人上車悲歌，劇中更有好戲之人金像獎影后鮑起靜坐鎮。

【點擊睇最新預告】；

個樣仲乜咁正經?

林敏驄處男拍劇，大晒正經 Mode。

阿驄嘅長髮鬍鬚 Look。

阿驄爆喊晒，要老婆江美儀攬攬呵番。

阿驄爆喊晒，要老婆江美儀攬攬呵番。

鮑起靜喺劇中大晒演技。

郭柏妍 （右）同 羅毓儀 （左）飾演江美儀嘅女。

關曜儁、林穎彤同埋鄧智堅亦有唔少發揮。

i為咗上車，咩都肯做。

化身地產妹嘅郭柏妍踩滑板派傳單。

江美儀同阿驄將屋企租上租賺到盡。

郭柏妍同羅毓儀嘅女僕 Look 好吸睛。

好sweet！

好誘人！

羅毓儀瞓天橋底，引 來一班流浪漢圍觀 。

林敏驄包辦作曲填詞同主唱。

林敏驄仲邀請埋 Aeren合唱添。

Aeren同大師合作緊張到搣手指，相當可愛。

TVB日前釋出兩條宣傳預告片，首條預告片的主角為飾演車志明的阿驄，今次他一改無厘正經本色，道出港人上車悲歌：「人與人之間最遠嘅距離係咩？就係你睇到嘅靚樓，你買唔到、住唔起呀！」親情及人情味亦是《下流》賣點之一，阿驄一度在爆喊前鏡頭：「間屋企幾細唔係問題，最緊要一家人喺埋一齊！」

至於第二條宣傳片，阿驄開首一句「落錯車 14 年，我無時無刻都諗住買番間屋」，「車家」為了上番車各出奇謀，阿驄到果欄搬貨賺錢、郭柏妍化身地產妹踩滑板派傳單等，當中最吸睛要數到郭柏妍與羅毓儀齊齊以女僕 Look上陣到 Cafe 打工，造型可愛，羅毓儀為求有公屋， 不惜一個女仔瞓天橋底之餘，更引來一班流浪漢圍觀。

處男下海的阿驄為了「處男劇」當然出盡心思，不單親自為劇集主題曲《一家人》作曲填詞，更邀請了《聲夢傳奇》第一季畢業生文凱婷（Aeren）合唱。錄音當日，Aeren 對住阿驄緊張到不停搣手指，非常可愛，阿驄則自爆差啲寫唔切隻歌：「到咗最後嗰日，我又有番少少靈感作到頭嗰幾句，咁咪作埋佢啦。呢個貫徹到我創作風格，就係你畀一年我，我都係最後嗰一日先做。」據知《下流》的插曲及片尾曲亦由阿驄親自操刀！

【相關閱讀】

簡淑兒顏值幾級跳靚到似膠公仔 入行多年曾捲整容疑雲

上山詩鈉囡囡混血靚樣成名牌搶手貨 身材火辣加超長美腿性感又狂野
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ